Obwa Nnabukalu bungobako abasajja

By Musasi wa Bukedde

NNINA emyaka 17. Ndi mukalu nnyo, buli musajja gwe neegatta naye kyagamba era aba tayagala kuddamu kwegatta nange era we bikoma.

Ssenga1 350x210

OKUSOOKERA ddala emyaka gy’olina nze ndowooza wandibadde mu ssomero naye engeri gy’oyogera olaga nti waakeegatta n’abasajja bangi, mpozzi nga tosoma.

Ekirala ku myaka egyo abawala abasinga batya okufuna embuto n’endwadde ate babeera n’ensonyi. Kale mu kutya okungi, baba balina okubeera abakalu.

N’ekirala, simanyi oba ddala obeera n’omukwano n’abasajja abo be weegatta nabo kubanga awatali mukwano kizibu kufuna obwagazi.

Omukwano guleeta obwagazi kuba obeera weesunga munno. Ogambye buli musajja akulekawo n’agenda olw’obukalu naye abasajja be weegatta nabo babeera bakwagala? Kubanga omuntu akwagala takulekaawo afuba okulaba ng’ofuna obwagazi.

N’ekirala abasajja batono ayinza okukwatulira ekizibu ky’aba akusanzeemu oba nti oli mukalu.

Abasinga bwamala naddala nga takwagala akuleka bulesi era toddamu kumulaba.