Owa yunivasite asobola okutunda ffene n'afuna fiizi

By Musasi wa Bukedde

Ffene gwe ntunda nfunamu 450,000/- n'okusingawo mu mwezi nga zino omuyizi wa yunivasite ng'amutunze azisonda n'afuna fiizi

Img6119webuse 350x210

Bya Sauyah Namwanje

Abayizi ba yunivasite batandise okusoma naye bangi ebiseera ebisinga bwe babeera tebalina ssomo, obudde babumala mu kwebaka, ku mikutu egy’omutimbagano n’okulaba firimu n’obutambi ebya buli ngeri.

Naye omuyizi yenna owa yunivasite asobola okubaako omulimu gwe yeetandikira n’afunamu ku nsimbi ate nga naye asobola okwebeezaawo n’awewula ne ku muzadde we.

Peter Kyobe, atunda ffene agamba nti guno gwe mulimu omuntu gw’asobola okutandika ne kapito wa 20,000/- era tegwetaaga kusasula za kifo kubanga obeera kumpi n’akatale. Ku 20,000/- ogulako akambe (kagula wakati wa 1,000/- ne 2,000/-), ekigaali ky’oyinza okupangisa wakati wa 2,000/- ne 3,000/- buli  lw’okola (okugula ekiwedde oyinza okukifuna ku 200,000/-), butto, obuveera oba amawulire.

 yobe ngawa omuyizi ffene gwatunda 1000 Kyobe ng'awa omuyizi ffene gw'atunda 1,000/-

 

Osobola okufuna enkota za ffene ku 20,000/- okuva mu katale oba mu nnimiro era ggwe osalawo okusinziira ku ssente z’obeera oyagala okufuna olunaku olwo bwe bungi bwa ffene gw’osuubula.

Bw’omugula ku mulimi nga yamwereetedde mu katale osobola okumufunako amagoba ga 50,000/- oba 60,000/- ate bw’omuggya ku musuubuzi gw’oguze 20,000/- osobola okumufunako amagoba agali wakati wa 35,000/- ne 40,000/-.

Kyobe agamba nti, omuyizi bw’aba akyasoma abeera alaba ebiseera bye eby’omu maaso nga bitangaavu ng’ate emirimu egy’engeri eno tegikugyaamu so ng’ate byonna biyinza okugaana.

Ayongerako nti, bizinensi eno bw’ogikola buli lunaku mu mwezi osobola okufuna 450,000/-.