Abatunda kaadi ezaagaliza abayizi obuwanguzi beemulugunya

By Musasi wa Bukedde

Abatunda kaadi ezaagaliza abayizi obuwanguzi beemulugunya lwa KCCA kusengula takisi mu ppaaka enkadde ekisudde akatale k'ebyamaguzi byabwe olw'abantu okugenda mu Usafi

Card5webuse 350x210

Bya Sauyah Namwanje 

Ng’abayizi abamu bamalirizza okukola ebibuuzo n’abalala banaatera, abasuubuzi abatunda kaadi ezibaagaliza obuwanguzi n’ebirabo eby’enjawulo ebiriko obubaka bwe bumu ng’ebikopo, essaawa, amasaati, obutambaala n’ebirala bali mu kwemulugunya olw’abaguzi abatajjumbidde kubagulako.

 bikopo ebiwandiikiddwaako obubaka Ebikopo ebiwandiikiddwaako obubaka ne kaadi eziri mu ndabirwaamu

 

Bagamba nti, n’ekya KCCA okukyusa abasaabaze okuva mu ppaaka enkadde okudda mu ppaaka eya Usafi nakyo kibakosezza.

Mu kiseera kino, kaadi zibadde zigula wakati wa 1,000/- ne 15,000/-, ebikopo ebiriko obubaka bigula wakati wa 10,000/- ne 15,000/-, essaawa ennene (ez’oku kisenge) 15,000/- ne 20,000/- okusinziira ku bunene bwazo.

 musuubuzi ngatunda kaadi ku kkubo mu ampala Omusuubuzi ng'atunda kaadi ku kkubo mu Kampala

 

Moses Ssegirinya, omu ku basuubuzi abakolera mu ppaaka enkadde awabadde wasimba mmotoka ezidda e Ntebe yagambye nti, okukyusa kw’emmotoka mu ppaaka enkadde kivuddeko ebyamaguzi byabwe okuddiba kuba abaguzi bakendedde era basobola okumalako olunaku nga tebafunye muguzi kyokka nga baabissaamu kapito mungi.