Amalako afaanana atya?

OMUNTU amalako mu mukwano y’afaanana atya?



OMUNTU amalako mu mukwano y’afaanana atya?

Mwana wange bino bigambo bya bantu. Naye ng’okusinga bategeeza omusajja atamatiza mukazi oba omusajja atafuna maanyi ga kisajja.

Ate abamu era obutamalaako mu bakyala kitegeeza omukyala atafuna bwagazi oba amazzi. Mwana wange bw’otunuulira omuntu yenna, tosobola kumanya nti amalako oba tamalaako anti omutegeera muli mu kwegatta.

N’ekirala mwana wange sirowooza nti waliyo omusajja oba omukazi ku nsi atafuna kizibu kya butamalaako.

Fenna waliwo ebiseera w’oyinza okuba nga tomalaako olw’embeera gy’obeeramu. Oyinza okubeera omulwadde oba ng’olina ebirowoozo oba ng’okooye ne kikuleetera obutamalaako.

N’ekirala saagala mwesibeko kigambo kino oba mukisibe ku bannaammwe kubanga obutamalaako kyabutonde era buli muntu asobola okukifuna. Mpozzi bwe kiyitirira omuntu alina okufuna obuyambi.

 

Amalako afaanana atya?