Abatendeka amasaza bali ku bunkenke

Abatendeka amasaza bali ku bunkenke

 Kaddu

Leero (Ssande) ssaawa 10:30

Kyaddondo - Mawokota e Lugogo
Butambala - Busiro e Kibibi
Mawogola - Ssese e Ssembabule
Kabula - Buddu e Lyantonde
Gomba - Busujju e Kabulasoke
Ssingo - Buweukula e Mityana
Bulemeezi - Bugerere e Kasana
Kyaggwe - Buluuli e Lugazi

BATABANI ba Kaggo aba Kyaddondo basuubirwa okweyiwa mu kisaawe kya KCCA FC e Lugogo olwaleero (Ssande) okuwagira ttiimu yaabwe ng’ettunka ne Mawokota mu mipiira gy’Amasaza.

Ng’oggyeeko fayinolo, guno gwe mulundi ogugenda okusooka ttiimu y’essaza okukyaliza mu kibuga wakati. Kyaddondo, etendekebwa Badru Kaddu, amyuka Mike Mutebi ku KCCA FC.

Ono agamba balina okufuula ekisaawe kino akattiro nga bannyini kyo (aba KCCA FC). Guno gugenda kuba mupiira gwa Mawokota gwakubiri ng’ogwasooka yakubiddwa Butambula (2-1) e Buwama wiikendi ewedde.

E Luweero mu Kasana, Bulemeezi ekyaza Bugerere ng’omutendesi Gerard Ssenkungu awera kuddamu kukaabya Bugerere nga bwe gwali omwaka oguwedde bwe yagikuba (3-1) mu kisaawe kino kyennyini.

Bugerere yawangudde Kyaggwe (2-1) mu gwasoose era nga mu kaseera kano y’ekulembedde ekibinja. Bulemeezi yalemaganye ne Buluuli (1-1).