Golola akubye Abu Kikenwa n'asitukira mu musipi gw'eggwanga

Golola akubye Abu Kikenwa n'asitukira mu musipi gw'eggwanga

 Golola ng'attunka ne Abu Kikenwa ku Freedom City

Bya Fred Kisekka
 
MOSES GOLOLA Kawandula bigambo awangudde Abu Kikenwa bw'amukubye ensabaggere ez'okumukumu n'amuwangula mu lawundi ey'okusatu.
 
Olulwana luno lubumbujjidde ku Freedom City mu kiro ekikeesezza olwaleero era nga lunyumidde nnyo abalabi olw'ensonga nti abawagizi ba side zombi obwedda bawaga okuva olulwana bwe lwatandise ppaka kuggwa.

Abu amaze ebbanga ng'asaba Golola ng'agamba nti amwewulira era waliwo enguumi gye yakubye Golola n'alandinga ku ttaka abawagizi ba Golola ne bakwata ku mutwe wabula oluvannyuma Golola yasituse naye n'atandika okumukasukira enguumi n'ensambaggere ez'okumukumu okukakkana ng'amuwangudde.