Arsenal ewadde Ramsey endagaano ya myaka 5

Endagaano ya Ramsey ne Arsenal ebuzaako emyezi 12 eggweeko era nga mw’eno, abadde afuna pawundi 110,000 buli wiiki ng'omusaala.

Ramsey


ARSENAL wansi w’omutendesi Unai Emery, ewadde Aaron Ramsey endagaano ya myaka 5 n’emusuubiza n’okumwongera omusaala singa akkiriza n’agiteekako omukono.


Endagaano ya Ramsey ne Arsenal ebuzaako emyezi 12 eggweeko era mw’eno, abadde afuna pawundi 110,000 buli wiiki ng'omusaala.


Emery olwazze okutendeka Arsenal, n’ategeeza nti Ramsey y’omu ku bazannyi b’agenda okuzimbirako Arsenal era alina okusigala mu Arsenal.


Wakati mu kutuukiriza okusaba kwa Emery, abakungu ba Arsenal we bategekedde endagaano empya ya myaka 5 era ne bamusaba akkirize, agiteekeko omukono wadde ye ne kitunzi we tebannasalawo.


Wabula abakungu ba Arsenal bagamba nti alina okusalawo mu kiseera kino, nga singa agaana okuzza endagaano ye obuggya, baakumutunda baleme kufiirizibwa ng’agendedde ku bwereere nga sizoni ejja ewedde.