Gary Neville anyiizizza aba ManU

Abawagizi ba ManU balangidde eyali kapiteeni waabwe, Gary Neville okubeera kalinkwe era munnanfuusi olw’okuwagira famire ya Glazer, nnannyini ttiimu eno.

Neville, omu ku baayamba ttiimu eno okukukumba ebikopo mu sizoni ya 1998-99, awagira ekya famire ya Glazer okutunda ttiimu eno, abawagizi kye bawakanya.

Kigambibwa nti Ba Glazer balina entegeka z'okutunda ManU eri Sheikh Mohammed bin Salman, alinze okusikira Nnamulondo y'Obwakabaka bw'e Saudi Arabia.

Ba Glazer balina ebbanja lya pawundi obukadde 204 era Glazer yagambye nti bwe kiba ng'okutunda ttiimu eno kye kinaalimalawo, kirungi.

Yabawolerezza nti si be bannannyini ttiimu ya mupiira abakyasinze obubi, ekinyiizizza abawagizi ne bagamba nti, "Gary alaze ki ky'ali. Tasaanira kussibwamu kitiibwa muwagizi yenna owa ManU kibanga munnanfuusi."

Omumerika Malcolm Glazer yagula ManU mu 2005 kyokka oluvannyuma lw'okufa, batabani be; Joe ne Avram kati be bagiddukanya.

ManU yaamusanvu mu Premier ng'erina obubonero 16 mu mipiira 12. Liverpool ekulembedde erina 34 mu mipiira gye gimu.