Aba tena baagala kutaasa kya East Africa

Aba tena baagala kutaasa kya East Africa

EMPAKA za ttena eziri ku mutindo gw'ensi yonna ogwa International Tennis Federation (ITF) zitandika nkya e Lugogo nga zakwetabwamu amawanga mukaaga.

Bamusaayimuto abali wansi w'emyaka 12 be bagenda okusindana mu bawala n'abalenzi okunoonya abawanguzi abanaakiikirira East Africa mu mpaka za Africa yonna ezigenda okubaawo mu September.

Empaka zino za mulundi gwakuna okutegekebwa nga Uganda ye yawangula ez'omwaka omwaka oguwedde mu bawala ate abalenzi ne bakwata kyakubiri mu nsitaano eyali e Nairobi mu Kenya.

Uganda ekiikiriddwa abazannyi abawala, Charity Akot, Eseza Muwanguzi, ne Edna Nabiryo ate abalenzi ye Juius Nyaata, Nasser Ochom ne Francis Agonzibwe.

Ebazannyi bavudde mu mawanga okuli Kenya, Burundi, Tanzania, Ethiopia, Seychelles ne Sudan nga ttiimu eneewangula mu balenzi wamu n'ebbiri ezinaawangula mu bawala ze zigenda okuvuganya mu mpaka za Africa yonna mu September.