Bukedde bw'agabula tewali awakana - Aba bodaboda

Aba bodaboda ku siteegi y’e Makerere nga bajjuza obukonge bwa Gabula Ssekukkulu, Ku ddyo ye Donozio Ssempeebwa ssentebe waabwe.

ABAVUZI ba bodaboda nabo beegasse ku bantu abalala okukunga bannaabwe okwetaba
mu kujjuza akakonge ka Gabula Ssekukkulu akafulumira mu Bukedde buli lunaku.

Bino byabaddewo ku Lwokusatu akawungeezi, abavuzi ba boda abaakulembeddwa ssentebe wa siteegi y'e Makerere, Donozio Ssempeebwa bwe bajjuzza obukonge obuwerako nga baagala okulinnyisa emikisa gyabwe egy'okuwangula ebirabo Bukedde
by'abategekedde ku Ssekukkulu eno.

"Tukubiriza buli muvuzi wa boda mu Kampala n'ebitundu by'eggwanga eby'enjawulo
okwetaba mu kalulu ka Gabula Ssekukkulu nga bayita mu kujjuza obukonge obuwerako." Ssempeebwa bwe yasabye.

Yawagiddwa banne okwabadde Stuart Arinaitwe eyagambye nti takyasubwa lupapula lwa Bukedde okuva akakonge kano lwe kaatandika okufuluma.

N'agattako nti kino akikola kuba akimanyi gy'okoma okujjuza obukonge n'emikisa
gy'okuwangula. Ekirala nti alina obwesige mu Bukedde kuba guno si gwe mulundi ogusoose okuddiza abasomi be.

Okwetaba mu kalulu kano gula kkopi y'olupapula lw'amawulire olwa Bukedde ku 1,000/- zokka, ogende ku muko ogwokubiri okuli akakonge.

Jjuzaamu erinnya lyo, ennamba yo ey'essimu ne gy'obeera. Bw'omaliriza,
akakonge kaleete ku ofi isi zaffe e Lugogo mu kibangirizi kya bannamakolero oba okawe agenti waffe akuli okumpi.

Ate ku Bukedde Fa Ma ‘Embuutikizi' linda oluyimba lwa Philly Lutaaya olwa "Merry
Chrismas" nga luzannyiddwa.

Bw'okuba essimu nga gwe owookusatu, ojja kuba muwanguzi ogende mu ‘supermarket'
ya Mega Standard weefunire ebyassava.

Ne ku Bukedde Ttivvi, bw'olaba oluyimba lwe lumu n'okuba essimu, obeera owangudde. Gabula Ssekukkulu awagiddwa UgaChick, Mary and Jesus Wines
ne Mega Standard supermaket.