Agambibwa okugezaako okufumita omusuubuzi ekiso poliisi emukutte

Kasibante ku mpingu  ng'akwatiddwa.

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa.

Yasin Kasibante akola ogw'okusiba  ente mu lufula y'oku Kaleerwe y'akwatiddwa poliisi y'omu kitundu oluvannyuma  lwa Anet Namwanje alina wooteeri mu lufula  omuwaako obujulizi nga bwe yamuggyiddeyo ekiso amufumite  n'akuba enduulu  bantu ne mutaasa.

Namwanje Eyasimattuse Okufumitibwa.

Emimwa Gya Namwanje Egyayasiddwa

Namwanje  yagambye  nti Kasibante   yamusabye caayi ku ssaawa 2:00  ez'ekiro bwe yamugambye  nti amuddeko n'atandika okumuwemula ssaako n'omukuba n'amwasa emimwa yalabye tekimumalidde n'amuggyiraayo  ekiso okumufumita.

 Kasibante yategeezezza nti    kituufu Namwanje yamukubye  n'ekiso yakimuggyiddeyo naye yabadde tagenda kumufumita nga bwamulumiriza.

Yagasseeko nti y'akuuma olugo omusula ente naye waliwo abavubuka abaagufuula omuze okutwalayo abawala ne beerigomba nga yabadde amaanyi nti Namwanje kye kimututte kwe yasinzidde okumukuba.

Geoffrey Ssenonga omu ku bakulira ebyokwerinda mu lufula yategeezezza nti Kasibante  azze akwatibwa lwa kuggyirayo bantu biso nga luno singa tebaamwanguyidde yabadde agenda kufumita Namwanje awatali nsonga nnambulukufu.

Yalabudde abakinjagi bonna okukomya okukozesa ebiso ng'eky'okulwanyisa eri abantu kuba ekiso kisala  nte si bantu. Omusango guli ku Fayiro nnamba SD REF:18/5/01/2021