Omukyalo anyooma sayizi yange

SSENGA nafunye ekizibu mu Covid muno. Bulijjo twegatta bulungi ne mukyala wange naye kati tayagala kwegatta. Bwe namubuuzizza yang’ambye nti ndi mutono nnyo simumatiza. Kyokka abadde aleeta bulungi amazzi era nga tetulina buzibu bwonna. Ssenga nkole ki ku nsonga eno kubanga mpulira ntidde. Ekirala mukwano gwange yang’ambye nti alabika alina omusajja omulala. Ssenga nnyamba.

ABAKYALA n'abawala ennaku zino baayiga okunafuya abasajja.

Kati akugamba ekigambo ng'ekyo ekinene n'otya n'otuuka n'okulowooza nti osanga olina ekizibu. Sooka weebuuza nti bulijjo abadde afuna obwagazi kati lwaki bwabuze.

Ekirala abantu bangi COVID baayisizza obubi naddala nga tebamanyidde kubeera wamu era abamu ne batuuka n'okwetamwa.

Kati bwaba tayagala kwegatta ng'agamba nti oli mutono, saagala oggweemu maanyi wabula manya nti walabika waliwo ekimuleetedde okuddamu bwatyo.

N'ekirala oba oli mutono eyo si nsonga nnene ekisinga obukulu osobola otya okukozesa obutono obwo kubanga toyinza kutandika kunoonya ddagala kubanga abafere wano ewaffe bangi abeerimbika mu kugezza sayizi y'obusajja.

Munno akugambye nti ayinza okuba ng'alina omusajja omulala, kino kisoboka naye ate kirungi n'osooka kwetegereza embeera awaka. Weetegereze embeera eri awaka naddala nga waliwo ekitategeerekeka bulungi.