Okufuna obukadde 22 mu myezi ena okuva mu butungulu

Okufuna obukadde 22 mu myezi ena okuva mu butungulu





Ø Yiika okugirongoosa kirungi n'okozesa tulakita kuba ettaka lyetaaga okuba nga liyiikayiika era nga ggonvu kuba emirandira gy'obutungulu minafu. Nga yiika eyinza okugirimira 150,000/-.

Ø Weetaaga ensigo y'omulembe kkiro emu ku 750,000/- oba kakadde.

Ø Olina okussaaamu ebigimusa by'obusa loole musanvu nga buli emu ya 250,000/- n'osaasaanya 1,750,000/-.

Ø Eddagala; kkiro 10 eza mancozeb nga buli emu egula 13,000/- oba 14,000/-. Nga wano weetaaga 130,000/- oba 140,000/-.

Ø Eddagala eritta ebiwuka (pesticide), kkiro ssatu buli emu ku 60,000/-. Nga wano weetaaga 120,000/-.

Ø Eddagala eriwonya nga waliwo obulwadde (curative), kkiro bbiri buli emu ku 60,000/- nga wetaaga 120,000/-.

Ø Ekijimusa kya NPK kkiro 80 ku 3,000/- buli emu olwo nga wetaaga 240,000/-.

Ø Can kkiro 80 ku 3,000/- buli kkiro nga wano wetaaga 240,000/-.

Omugatte 3,500,000/-

Muno okungulamu ttani 15-20 nga buli kkiro ya 1,500/-. Wano obeera ofuna 22,500,000 oba obukadde 30.

By'otalina kubuusa maaso

·       Oteekwa okukebera ettaka okuzuula oba linaddamu obutungulu, bwe libaamu ekibulamu abakugu bajja kukuwa amagezi

·       Oteekwa okumanya sizoni entuufu okusinziira ku katale

·       Oteekwa okumanya sizoni mu mbeera y'obudde

·       Funa ensigo entuufu

·       Funa ebijimusa n'eddagala ebituufu.

·       Eriiso lisse ne ku katale ak'ebweru.

Bikung'aanyiziddwa Herbert Musoke okuva ku Davis Kanyesigye owa House of seeds