TOP
  • Home
  • Sanyuka ne wikendi
  • Abayimbi 'abato' baggudde olutalo ku bupangisa: Enju ya Moze Radio esusse obunene n'emutuulira

Abayimbi 'abato' baggudde olutalo ku bupangisa: Enju ya Moze Radio esusse obunene n'emutuulira

Added 22nd May 2017

ABAYIMBI be bamu ku bassereebu abatambulira mu bulamu obw’okwejalabya n’obulamu obw’ekikungu.

 Amaka g’omuyimbi Stabua Natooro (ku kkono) ge yazimbye e Ndejje ku lw’e Ntebe. Yagayingidde gye buvuddeko era agamba nti yawonye okusula mu kifulukwa.

Amaka g’omuyimbi Stabua Natooro (ku kkono) ge yazimbye e Ndejje ku lw’e Ntebe. Yagayingidde gye buvuddeko era agamba nti yawonye okusula mu kifulukwa.

Ssente ze bayoola mu kuyimba abasinga bazimalira mu kulya bulamu na bintu bya swagga ng’okuvuga mmotoka n’okupangisa amaka ag’ebbeeyi ne batuuka okuva mu nsiike y’okuyimba oba okuggwaamu nga tebalina kya maanyi kye balaga n’abamu okulaajanira abalala okubayamba.

Okwewala embeera eno, bangi bakyusizza mu ndowooza ne batandika okugula poloti n’ettaka wamu n’okuzimba ng’ekimu ku by’obugagga.

Ng’oggyeeko abayimbi abanene abalina amaka agamanyiddwa, tukuleetedde omugigi gw’abayimbi abaggudde olutalo ku bupangisa n’abamu kw’abo abakyalemedde mu bupangisa ne batubuulira pulaani zaabwe.

 

Stabua Natooro

Ono yaakayingira amaka ge ag’omulembe e Ndejje Zanta okumpi n’ekitebe kya munisipaali ya Makindye Ssaabagabo. Agamba nti kibadde kirooto kye okuzimba amaka agaweesa ekitiibwa.

Yategeezezza nti okutuuka ku buwanguzi buno kubadde kwerekereza ebirungi bingi ng’okusula mu kifulukwa n’efi ssa ez’okuzimba.

‘‘Kintwalidde emyaka esatu okugimaliriza ate ndi musanyufu nti mbadde nzimba ennyumba biri omulundi gumu kubanga n’eya taata mu kyalo nayo nagimalirizza.

Moze Radio ne Weasle

Olw’enkaayana zaabwe n’eyali maneja waabwe Jeff Kiwa ku maka gaabwe aga Neverland e Makindye mu Kizungu, ababiri bano bali mu kaweefube wakuzimba amaka amalala.

Ennyumba ya Mose Radio esangibwa e Kitubulu Ntebe.

 

Baagula poloti mu bitundu eby’enjawulo era w’osomera bino nga Moze Radio asitudde ennyumba e Kitubulu e Ntebe.

Nnene ekisusse era batugambye nti kirabika emutuddemu kubanga tekyatambula.

Abayimbi abalala ebibakwatako biteereddwa ku nnyumba zaabwe.

Chris Wajjadi Y’omu ku baludde mu nsiike y’okuyimba newankubadde ssente ezisinga azifunye mu ttaka. Omwaka oguwedde yazimba amaka e Namulanda ku lw’e Ntebe mwasula kati ne famire ye.
 
Evelyn Lagu Okumanya yakoowa ennaku y’obupangisa, agamba eno y’emu ku nsonga ezamuwalirizza okuyingira amaka ge agasangibwa e Kitende ku lw’e Ntebe ng’ennyumba tennaba kuggwa.

 

ABAKYAPANGISA BEEWOLEREZZA

Olw’okwagala okwekuumira ku mutindo, abayimbi basalawo okupangisa ennyumba ez’ebbeeyi era embeera eno abamu ebawalirizza okusenguka kumpi buli mwezi.

Kyokka waliwo n’abo abeegatta ne bapangisa ennyumba emu ennene ate abalala basula mu situdiyo zaabwe.

DENZO: Ono yali ayimbira mu Gagamel ekya Bebe Cool n’avaayo. Kati ayimba yekka ng’asula Nateete mu Kigagga Zooni. Batugambye ennyumba kw’asula ya famire nga banne bagipangisa kyokka ye yafunako ekisenge mwasula ng’okuyingira ayita mu galagi.

Princess Amirah

Ono asula Lungujja ng’apangisa amaka malamba ku 1,000.000/-.

Agamba nti wadde ennyumba eza ssente entono gyeziri, ayagala kusula mu nju emuweesa ekitiibwa.

Spice Diana (Namukwaya Diana)

Apangisa nnyumba nnamba e Makindye mu Dubai Zooni.

Ennyumba ya Spice Diana gy’apangisa e Makindye.

Agamba nti asasula 1,500, 000/- buli mwezi. Maneja we Roger yategeezezza nti omuyimbi we okusula mu nnyumba ey’ebbeeyi si kweraga wabula kimwongera amaanyi okukola ennyo era kati alina poloti ssatu e Matugga ng’ateekateeka kutandika kuzimba.

Hajjati Madinah

Wadde ennaku zino ebintu tebimutambulira bulungi nga n’ennyumba asula ku za Paasita Yiga e Wakaliga ku bwereere, Madinah agamba alinayo poloti gye yagula e Bujuuko nga kati anoonya ssente ezizimba.

Phiona Nsubuga

Asula ku Salaama Road era apangisa nnyumba nnamba akakadde kamu buli mwezi. Kuno kwe kuli ne situdiyo yaabwe eya Fyima World.

Ennyumba ya Fyona Nansubuga (mu katono) mwasula e Makindye. Kuliko ne situdiyo.

Aba B2C

Bapangisa Makindye mu Amazooni zooni ku 1,500,000/- buli mwezi. Maneja waabwe Andrew Mugerwa agamba ke batandise okukola bagenda kufuna ssente ezibamala n’okufi issaawo ezigulira buli omu poloti n’okuzimba.

Babie Jay:
 
Ono naye kati yeeyita Landroodi. Alina emizigo gy’azimba e Masajja mu Makindye Ssaabagabo.
 

 

 
Azimba mpolampola nga bw’amaliriza ekisenge ekimu ng’agattako ekirala newankubadde abamu bagamba nti amayumba ga famire.
 

Kalifah Aga Naga

Apangisa Masanafu okumpi n’ewa Andy Mwesigwa eyali kapiteni wa Cranes.

Asasula emitwalo 350,000/- kyokka gye buvuddeko yatandika okuzimba e Kawempe Jinja - Kalooli.

Grace Nakimera Ono alwana kumaliriza maka ge agasangibwa e Namugongo era bw’atadiriza omwaka guno we gunaggwerako ng’agimalirizza n’awona okupangisa. Nakimera yalina ennyumba mwe yali asula n’eyali bba Omuzungu kyokka bwe baayawukana n’asalawo okweyiiya.

Dr. Bitone:

Ono ayimba nga Chameleone. Apangisa ku kkalina emu ku madirisa Zooni e Makindye era buli mwezi asasula 450,000/-. Omwaka guno asuubira okutandika okuzimba ennyumba.

Ziwa de Lion

Ono ye yayimba oluyimba lwa ‘Ssekesseke’ kyokka tannaba kumanyika nnyo era agamba nti yasalawo asooke azimbe ennyumba mwasula ne maama w’abaana be e Makindye nga tannaba kukulaakulanya kitone.

Mun G: Ono y’omu ku bavubuka abavuddeyo okusoomooza abayimbi abaludde mu nsiike y’okuyimba era abayimbi abato bangi kati bamwenyumirizaamu. Eby’okupangisa yabikoowa kati yeesulira mu maka ge e Nsasa mu munisipaali y’e Kira.

Abatuuze babeenyumirizaamu

Kumpi buli muyimbi gy’azimbye abatuuze bamwenyumirizaamu era abasinga bagamba nti basanyufu okusuula ne bassereebu.

  • Sula Mubiru ow’e Ndejje Zanta awaanye Natooro okuba omuntu w’abantu. Agamba nti newankubadde ssereebu, muntu mukakkamu, alina empisa era bwe yafuna akabenje y’omu ku baamulambula mu ddwaaliro.
  • John Mulindwa omuvuzi wa bodaboda ku siteegi y’e Nsasi yagambye nti nabo basanyufu okufuna ssereebu ku kaalo. Abayimbi tubadde tubawulira Namugongo n’e Naalya gye basula ate Mesach Ssemakula atuyitako buyisi ng’agenda e Buwaate.

More From The Author

Emboozi z’omuwandiisi endala

Emboozi endala

Abayizi lwe baababuulidde ku Lwokutaano.

Abayizi ba S4 batandise lee...

OLWALEERO abayizi ba S4 lwe batandika okukola ebibuuzo by'akamalirizo bye bagenda okutuula okutuusa nga April 6,...

Ebimuli bya Hibiscus.

Abasuubula Hibiscus bayingi...

ENNAKU zino abantu bafaayo nnyo ku bulamu bwabwe nga kino kiyinza okuba nga kivudde ku ngeri ensi gy'ekulaakulanye...

▶️ Omugagga Lwasa: Mukazi w...

OMUGAGGA Emmanuel Lwasa ow'e Masaka w'osomera bino nga mugole. Ku Lwomukaaga yabitaddemu engatto ng'awerekerwako...

Abatuuze nga batunuulira awaabadde ettemu.

Abafumbo basangiddwa batemu...

POLIISI y'e Nakaseke enoonyereza engeri abaagalana ku kyalo Magoma mu ggombolola y'e Kikamulo mu disitulikiti y'e...

Omugenzi Bob Kasango

Kiki ekyasse munnamateeka w...

ENFA ya munnamateeka w'omu Kampala, Bob Kasango, erese ebibuuzo mu ba ffamire n'ababadde bamuvunaana okulya ensimbi...