TOP

Kenzo awandiise omuyimbi omupya Rema ne yeesika

Added 20th January 2018

EMBOOKO y’omuwala Eddy Kenzo gwe yawandiisizza okuyimbira mu kibiina kye agumizza abawagizi ba Rema Namakula ne Kenzo nga bwatazze kuyingirira oba okutabula obufumbo bwabwe wabula azze kukulaakulaanya kitone kye eky’okuyimba.

Pia Pounds eyeegasse ku Big Talent (ekibiina kya Kenzo) ku ntandikwa ya wiiki eno okwogera bino kiddiridde abantu okutandika okwogera n’okukimuteekako nti azze kuyingirira bufumbo bwa Rema obumaze ekiseera nga buyuuga era waliwo n’ebigambibwa nti obudde obusinga Kenzo abumala ku situdiyo ng’olumu gy’asula ekintu ekitabula Rema.

Abamu baawandiise ku Face Book nga bamuyita muganzi wa Kenzo omupya bwe bamugeraageranya ne Rema ate abalala ekyabatabudde y’engeri obwedda Kenzo gy’ateeka ebifaananyi by’omuwala ono nga yeesaze obuwero ku ‘peegi’ oba obubaka obumwogerako kumpi buli ssaawa abamu kye baayise okumujanjawaza abalala nti bwekiba nga kya kutumbula muyimbi, lwaki ebya Rema tabiteekayo ate nga naye muyimbi?

Wabula Pia Pounds gwe twayogedde naye yasoose kuwaana Kenzo nti talabanga musajja alina kisa era ayaagaliza nga Kenzo era asuubira okumufunamu ebintu bingi ebbanga ly’anaamala naye.

“Ndi mukyala wa njawuulo, siwankawanka ate mmanyi kyenjagala. Enkolagana wakati wange ne Kenzo ekoma ku bizinensi siri mu bya laavu,” bwe yabagumizza.

PIA POUNDS Y’ANI?

Amannya ge amatuufu ye Tracy Kirabo. Muyimbi mupya ayimba RnB ne Afrobeat ate muyizi ku Yunivasite ya International University of East Africa (IUEA) e Kansanga.

Ali mu mwaka gwe ogusembayo, asoma ddiguli mu by’obusuubuzi ng’asuubirwa okutikkirwa mu December w’omwaka guno.

Pia Pounds ng’ateeka omukono ku ndagaano.

OKUYIMBA KWE

Agamba okuyimba kitone kye era kuva mu siniya ng’ayimba era alinayo n’oluyimba ne Ragga Dee.

Ayongerako nti olw’obwagazi bwa myuziki katono okuyimba kumulemese okusoma kyokka bazadde be bazze bamukubiriza asooke amalirize emisono olwo atandike okuyimba.

AKWATAGANA ATYA NE KENZO

Pia Pounds agamba nti gye buvuddeko ng’ali ku situdiyo ya Kenzo ku Salaama Road gye yali agenze okulaba ku pulodyusa mukwano gwe, Kenzo eyaliwo yamuwulira ng’ayimba kwe kumutegeeza nga bw’alina eddoboozi eddungi era ayimba bulungi olwo kwe kumubuuza oba yandiyagadde obuyambi bwe (obwa Kenzo).

“Ebigambo bya Kenzo nabiraba nga kirabo okuva ewa Katonda anti nga ndaba ekirooto kyange okukola n’omuyimbi omunene kituukiridde mu bwangu.

Pia Pounds nga yeekubya selfie ne Kenzo.

 

Nazzeemu nti nneeyanzizza era wano we waavudde n’okukola endagaano enkakasa mu kibiina era mu kabanga akatono ke mmaze ne Kenzo nkoleddemu ennyimba eziwerako.”

KENZO NAYE ATABUSE

Kenzo obubaka bw’abantu omuli obwedda abamulangira okuganza omuwala n’amusembeza ng’amuyita muyimbi bwamuyitiriddeko n’abatabukira.

Ng’ayita ku Face book yasabye abantu okumussaamu ekitiibwa ne by’akola.

“Nze ne Pia Pounds tuli mu bizinensi era mbasaba mugiwe ekitiibwa n’omuwala mumuwagire saagala ntalo.”

More From The Author

Emboozi z’omuwandiisi endala

Emboozi endala

Sheikh Muzaata

Embeera ya Muzaata mu ddwaa...

OBULWADDE obuluma Sheikh Nuhu Muzaata Batte bwazze nga musujja okukkakkana ng'ali ku kitanda mu IHK Kampala. Assiddwa...

Minisita Kamuntu (wakati) n'abamu ku bammemba ba UPRS.

Minisita atongozza olukiiko...

Minisita w'ebyamateeka , Polof. Ephraim Kamuntu atongozza olukiiko olufuzi olw’ekibiina ekirwanirira eddembe ly’abayiiya...

Abataka nga bakwasa Museveni effumu n'omuggo.

Museveni alaze by'agenda ok...

PULEZIDENTI Museveni akkirizza okuwaayo ettaka okuli ekibira kya Nauyo- Bugema ekisangibwa mu kibuga kye Mbale...

Akabonero ka manvuuli aka NUP akagenda okukozesebwa aba NUP mu kulonda..jpg

Aba NUP beemulugunya olwa b...

AB'EKIBIINA kya National Unity Platform (NUP) balaze obwennyamivu olw'obutali bwenkanya obugenda mu maaso n'okubakolebwako...

Abamu ku Badiventi nga balaga ekkanisa yaabwe eyamenyeddwa.

Bamenye ekkanisa y'Abadiventi

ABAADIVENTI balaajanidde gavumenti n'ekitongole ky'ebyokwerinda kinoonyereze ku baamenye ekkanisa yaabwe. Ekkanisa...