TOP

Ekivvulu kya B2C kiri mu ggiya

Added 31st August 2018

ENTEEKATEEKA z’ekivvulu ky’abayimbi b’ekibiina kya B2C okuli: Peterson Ssali (Bobby Lash), Julius Kasagga eyeeyita Delivad Julio ne Richard Mugisha amanyiddwa nga Mr. Lee ziri mu ggiya.

 Abayimbi ba B2C

Abayimbi ba B2C

Ennaku zino basiiba n’okusula nga bawawula amaloboozi batuuke ku lunaku mulindwa nga temuli wadde akafuufu.

B2C be bamu ku bayimbi abayimbira awamu abawambye ekisaawe ky’okuyimba mu Uganda ensangi zino.

Andy Mugerwa maneja wa B2C yategeezezza nti B2C kitegeeza ‘Born to Conquor’ ekivvuunulwa nti ‘Twazaalibwa kuwamba’.

Ekibiina kino kyatandikibwa emyaka ebiri emabega nga kikulirwa Andrew Mugerwa amanyiddwa nga Andy Events.

Bazze bafulumya ennyimba ezinyuma okuli: Njabala, Tokigeza, Wansensera, Nkwagala, Gutamiiza, Wanyonoona, Songea, Sure Deal, African Beauty, Mateeka, So Fly n’endala.

Abayimbi bano bagamba nti bali ku mulamwa gwa kufuuka abayimbi ab’amannya kyokka nga bye bayimba biwa abavubuka mu Uganda n’ensi yonna essuubi n’okubazzaamu amaanyi nti nabo basobola.

Bazze bakola ne kolabo n’abayimbi ab’amannya nga ‘Gutamiiza’ lwe baakola n’omugenzi Moze Radio, Kapande lwe baakola ne Eddy Kenzo. Bayimba Ragga, RnB, Zouk ne Reggae ng’omuziki baagutandikira mu kkanisa.

Andy Mugerwa yategeezezza nti bategese ekivvulu okulaga olugendo lwabwe okuva gye baatandikira okuyimba okutuukira ddala we bali kati. Ekivvulu kino kye baayise ‘B2C Live in Concert’’ ekyebyafaayo bakitadde ku Freedom City e Najjanankumbi nga September 7, 2018.

Enkeera nga September 8, bali ku Satellite Beach e Mukono ate nga September 9, babeere ku Big Zone e Nansana. Okuyingira 20,000/- ne 30,000/- ate emmeeza ya 1,000,000/-.

Andy Mugerwa yategeezezza nti ekivvulu ky’abayimbi be kiri mu ggiya era abantu abamanyi obuwoomi bw’omuziki gw’abavubuka bano baatandise dda okugula tikiti zaabwe n’okwekwata emmeeza.

Yagambye nti wiikendi eddako nga September 14, 2018 baakubeera ku Hilltop Gardens e Ssemuto, Jinja Trans Africa nga September 15, ne Iganga nga September 16.

Vision Group efulumya ne Bukedde ebataddemu ssente.

More From The Author

Emboozi z’omuwandiisi endala

Emboozi endala

Omusumba eyawummula John Baptist Kaggwa

Kitalo! Omusumba w'Essaza l...

Kitalo! Omusumba w'Essaza ly'e Masaka eyawummula John Baptist Kaggwa afudde. Omusumba Kaggwa abadde amaze ekiseera...

Omusumba w'Abasodookisi any...

Mu bantu abatenda ssennyiga omukambwe mwe muli Omusumba w’Abasodookisi Silvestros Kisitu atwala kitundu ky’e Gulu...

Eddwaaliro lya Mukono ng’abalwadde balindiridde obujjanjabi.

Omujjuzo mu ddwaaliro e Muk...

Abalwadde n’abajjanjabi mu ddwaaliro e Mukono beeraliikirivu olw’omujjuzo oguyitiridde gwe bagamba nti gwandibaleetera...

okulonda e Lwengo tekujjumb...

OKULONDA mu bitundu bye Lwengo kubadde kw'abitege nga ebifo ebironderwamu abalondesa babadde bakonkomalidde mu...

ANATALIA Ozze yennyamidde o...

ANNET Nambooze amanyiddwa nga Annatalia Oze olumaze okusuula akalulu ke n'ategeeza abantu nga bwagenda okubakulembera...