TOP
  • Home
  • Ssenga
  • Ebizibu omuwala by'afuna olw'okwegema okuzaala

Ebizibu omuwala by'afuna olw'okwegema okuzaala

Added 23rd April 2013

ABAKYALA bangi abeeyambisa enkola y’ekizaalaggumba kyokka ne beesanga nga bazikoleddemu ensobi.

 

 

 

ABAKYALA bangi abeeyambisa enkola y’ekizaalaggumba kyokka ne beesanga nga bazikoleddemu ensobi.

Kino oluusi kiva mu butamanya kika ki ekigendera ku mibiri gyabwe n’emyaka mwe balina okuzikozesa.

Dr. Apollo Ahimbisibwe akolera mu ddwaaliro lya Church Road Clinic e Kamwokya agamba nti enkola ya kizaalaggumba erina kukozesebwa abakyala abali wakati w’emyaka 18 ne 45.

Agamba nti ng’omukyala tannatandika nkola eno, kirungi amanye abaana b’ayagala okuzaala era mu bbanga ki.

Ahimbisibwe agamba nti waliwo ebintu eby’enjawulo ebikozesebwa omuli kkondomu, empiso, Implants, okusala obuseke, amakerenda, akaweta n’ebirala.

“ Ebika bino byonna byawulwamu ebika bibiri nga muno mulimu ezikolera ku mpulirizo z’omubiri (homonies) ate n’ezo ezitakolera ku mpulirizo z’omubiri (barries)”, bw’annyonnyola.

Agamba nti enkola z’okusala obuseke mu bakazi ne mu basajja tesaana kukozesebwa ku muntu ng’akyayagala okuzaala, kuba obuseke bwe busalibwa, tebusobola kuyungibwa.

Agamba nti enkola ya kondomu y’esinga ku muntu atazaalangako kuba obulabe erina butono ddala eri abagikozesezza, okuggyako ng’eyabise.

Okukozesa amakerenda kikola ku mukazi ng’azaddeko, so ssi atazaalangako. Singa omuwala atazaalangako akozesa amakerenda gano ayinza okwesanga ng’alemeddwa okuzaala olw’amakerenda okusiriiza amagi agazaala.

Ekirala ekika kyonna ekikozesebwa okumala emyaka esatu nakyo si kirungi ku mukyala akyazaala, kuba ayinza okufuna obuzibu okufuna olubuto, kuba eddagala liba lirudde nnyo mu mubiri.

Enkozesa ya kkoyiro nnungi ku mukyala amalirizza okuzaala kubanga omukyala agigendako asiriizibwa amagi agazaala omwana nga ne bwe yeegatta tasobola kufuna lubuto.

Eno nayo si nnungi ku muwala atazaalangako, kuba ne bw’akomya okugikozesa ayinza okukaluubirizibwa okufuna olubuto.

Ahimbisibwe agattako nti nga tonnatandika nkola ya kizaalaggumba, kirungi osooke olaba omusawo omukugu akukebere era akuwe eyo egendera ku mubiri gwo.

 

Ebizibu omuwala by’afuna olw’okwegema okuzaala

More From The Author

Emboozi z’omuwandiisi endala

Emboozi endala

Omuzannyi wa Villa (ku kkono) n'owa Busoga United nga bagoba omupiira mu gwa liigi ogusembyeyo. Baagwa maliri, 1-1.

VILLA ETUNUZZA OMUDUMU MU UPDF

Leero (Lwamukaaga) mu Liigi (10:00); SC Villa - UPDF, Bombo Onduparaka - Vipers, Arua KCCA - Kitara, Lugogo Bright...

Cheptegei ng'ajaganya.

Likodi za Cheptegei zimweyi...

ENJOGERA egamba nti ‘Katonda nga yaakuwadde, n'ennume ezaala' etuukira bulungi ku muddusi Joshua Cheptegei. Ye...

Ivana Ashaba (mu maaso), owa Hippos ng'alemesa owa Burkina Faso okutuuka ku mupiira.

Hippos eyiseemu kavvu

ENKAMBI ya ttiimu y’eggwanga ey’abatasussa myaka 20 (Hippos), yeeyongeddemu ebbugumu, FUFA bwe baawadde doola 80,000...

Ttakisi mu paaka enkadde.

'Bbeeyi y'entambula esusse'

ABABAKA ba palamenti bennyamivu olw’ebisale by’entambula ebyeyongera okulinnya buli lukya ekinyigiriza abasaabaze....

Fr. Kabagira ne Fr. Mubiru nga baganzika ekimuli ku ntaana ya Ssaabasumba Joseph Kiwanuka mu Eklezia e Lubaga.

Bajjukidde Ssaabasumba Kiwa...

ABAKKIRIZA bajjukidde Ssaabasumba Joseph Nakabaale Kiwanuka eyafa nga February 22, 1966 n’aziikibwa mu Eklezia...