TOP

Asuman kola bye nkusaba nsiramuke

Added 15th July 2013

Nze Margaret Nansimbe. Mbeera Katosi-Mukono. Buli lukya nneebaza Katonda olw’okunnondera omusajja ategeera embeera zange.



Nze Margaret Nansimbe. Mbeera Katosi-Mukono.

Buli lukya nneebaza Katonda olw’okunnondera omusajja ategeera embeera zange.

Asuman yali kasitoma wange mu dduuka we nnakoleranga emyaka kati 12 egiyise. Ebbanga lye twamala nga tukolagana lyatugatta nnyo mu ngeri ey’enjawulo.

Lwali lumu lwe siryerabira, Asuman lwe yantegeeza nga bwe yali ansiimye okugenda ewuwe mufumbire ettooke.       Ssaasooka kukkiriza bigambo bye engeri gye nnali mmaze ebbanga eddene nga mulaba ate nga talina kye yali ang’ambye ku byekuusa ku mukwano.

Eno y’ensonga lwaki okumuddamu kyantwalira ebbanga lya myaka ebiri nga nkyamwetegereza n’okwongera okukakasa nti ddala yali siriyaasi.       

Oluvannyuma lw’ebbanga lino yalaga nti ddala  akakasa by’ayogera. Eno y’ensonga lwaki nnakkiriza okumufumbirwa era okuva olwo laavu gy’ampa entuusizza mu ssanyu eritagambika.  Okutwalira awamu  sikyalina "situleesi".Musajja muntumulamu, mugumiikiriza, tabuukira bigambo ate afaayo ku bulamu bwange n’abaana baffe.      

Mu kiseera kino katonda atuwadde ezzadde lya baana bataano ate nga tutuuse ne ku bintu ebirala bingi omuli okwezimba n’okwekulaakulanya mu ngeri ey’enjawulo. Mu kiseera kino buli omu akyali mu ddiini ye kyokka ndi mwetegefu okutoola "shahadu" singa munnange akkiriza okutuukiriza obumu ku bukwakkulizo bwe mmuteereddewo.   

Olunaku lw’alisituka n’agenda mu maaso ga bakadde bange e Kagulu, Kojja n’abeeyanjulira mu butongole n’okubawa ebyabwe, nange lwe ndisalawo okusiramuka.    

Singa kino kituukirira,ndi mwetegefu okukkiriza erinnya ly’Ekisiraamu lyonna ly’aliba annondedde wamu n’okutandika okugoberera amateeka g’eddiini y’Obusiraamu omuli okusiiiba naddala mu kisiibo kino ekitandise.

Asuman kola bye nkusaba nsiramuke

More From The Author

Emboozi z’omuwandiisi endala

Emboozi endala

Wabaddewo vvaawompiteewo n...

WABADDEWO vvaawompiteewo ku kisaawe kya MTN Arena e Lugogo ng'abakungu ba FUFA balondesa abakulembeze b'omupiira...

Abamu ku bayizi be basabidde.

Abayizi ba S.6 babuuliriddw...

ABAYIZI ba S6 babuuliriddwa okutwala ebigezo eby'akamalirizo bye batandika enkya ng'ensonga kuba kati batandise...

Fr. Dominic Kagoye  ng'akwasa Kironde (afukamidde wansi ) pikipiki gye baamutonedde,nnyina (mu gomesi) n'abaana be.

Omusomesa eyaziba amaaso ki...

Eyali Omusomesa wa Siniya okubala ne 'Physic's eyaziba amaaso mu ngeri eyewuunyisa ng'ali mu kibiina asomesa n'akubwa...

Museveni n'owa Tanzania bat...

Abakulembeze b'amawanga okuli owa Uganda Yoweri Museveni ne Samia Suluhu Hassan owa Tanzania batadde omukono ku...

Abaami ba Kabaka abaweereddwa eggaali.

Kabaka awadde abaami b'amag...

Ssaabasajja Kabaka asiimye n'awa abaami be abamagombolola 29 agokola essaza lye Buddu entambula. Obuyambi...