TOP
  • Home
  • Ssenga
  • Ebirabo bye nnagula ku Valentayini byandibirira!

Ebirabo bye nnagula ku Valentayini byandibirira!

Added 12th February 2014

VALENTAYINI y’omwaka oguwedde yansala era sirigyerabira. Omusajja eyanguzisa ebirabo yanjiwa n’atalabikako ku lunaku mulindwa.



VALENTAYINI y’omwaka oguwedde yansala era sirigyerabira.  Omusajja eyanguzisa ebirabo yanjiwa n’atalabikako ku lunaku mulindwa.

Nze Sylvia Nakato, mbeera Nsambya. Omusajja gwe njogerako yali mutembeeyi ng’abeera wuwe nga nange mbeera wange. Twamala akaseera nga twagalana era ng’andaga nti afiira ku nze nzekka.

Ng’ebula mbale tutuuke ku lw’abaagalana, twakola entegeka y’olunaku tusobole okuluyitamu nga tuli mu mbeera eyeeyagaza okufaananako abaagalana abalala.

Okumanya omusajja nnali mmwesiga nnamuwa omutima gwange gwonna n’ebirowoozo kuba nnali mpulira nga mmwagala.

Nagenda gye batunda ebirabo ne mmugulirayo akatambaala, sswiiti, akamuli n’ebirala. Bino nasalawo okubitereka nsobole okubimutonera ku lunaku olulagaane maye amanye nti mmulowoozaako.
Ku lunaku lwennyini nnatandikirawo okwetegeka mu ngeri ey’enjawulo kuba munnange yali ansuubizza okuntwalako ku bbiici ne mu kiraabu okulya ku bulamu.

Olunaku bwe lwatuuka nnamukubira essimu nga tagikwata ne ndowooza nti osanga tali nayo.
Nnagezaako enfunda eziwera okutuusa bwe yatandika okugifuula bbize.

Kino kyandowoozesa ebintu bingi kuba mu kaseera ako nnali mmaze okusuulamu obwambalo nga nneetegese okugenda okulya obulamu.

Omulundi ogwasembayo olwali okukuba essimu, mukazi ye yagikwata n’andabula okumuviira ku musajja kuba mufumbo.

Ebigambo omukazi bye yang’amba byantyemula emmeeme ne nzigwamu amaanyi era amaziga ne gatandika okukulukuta. Yanvuma ebigambo bingi omwali n’okumpita embwa n’ansaba mwesonyiwe basobole okumaliriza bye baliko.

Embeera gye nnalimu yali nzibu nnyo kyokka nga mikwano gyange be nnandibadde nsobola okutambula nagyo baali baagenze dda nga nze nninda muganzi wange. Ebirabo bye nnali nguze byonna byandibiriraanti nga sirina gwe mbiwa.

Okumanya omusajja yanjooga, enkeera yankubira essimu tusisinkane tusobole okudding’ana ne ng’aana nga sisobola kumalako na musajja muyaaye.

Omusajja yantama kati nnasigaza kwekolera mmaali okusobola okwebeezaawo, era ebya Valentayini ku luno si bye ndiko.

Ebirabo bye nnagula ku Valentayini byandibirira!

More From The Author

Emboozi z’omuwandiisi endala

Emboozi endala

Avuganya Ssekandi ku ky'omu...

RICHARD SEBAMALA avuganya omumyuka wa Pulezidenti, Edward Kiwanuka Sekandi ku babaka bwa Palamenti obwa Bukoto...

Lubega

Ebikonde sibyevuma - Lubega

OMUGGUNZI w'ehhuumi, Joey Vegas Lubega annyuse ebikonde oluvannyuma lw'emyaka 23 bukya alinnya kigere kye ekisooka...

Donald Trump

Trump alemeddeko ku by'akal...

EBY’AKALULU ka ssaayansi byongedde Donald Trump n’ategeeza nga bw’ali omusajja omukulu atayinza kukkiriza kuleka...

Paapa eyawummula Joseph Aloisius Ratzinger

Paapa Joseph Aloisius Ratzi...

PAAPA Benedict XVI eyawummula ng’amannya ge ag’obuzaale ye Joseph Aloisius Ratzinger muyi. Ratzinger 93 obulwadde...

Abaabadde balambula ppaaka ekolebwa.

Abakola ppaaka enkadde bale...

Bakansala ba KCCA abatuula ku kakiiko akateekerateekera ekibuga n’okuzimba nga bali wamu n’abakugu baalambudde...