TOP
  • Home
  • Ssenga
  • Baze yantama lwa kukama nte gy'atawa biwata

Baze yantama lwa kukama nte gy'atawa biwata

Added 17th March 2014

Kyantwalira emyaka ebiri nga netegereza omulenzi wabula nnakoma kwegyo ne sitawaana kweyongera mu maaso na bya bufumbo nga bwe yali ansaba.



NZE Agnes Nabirye (mu kifaananyi). Mbeera Kasubi. Tewali kyali kintamizza basajja nga bukodo kubanga kibi nnyo okukama ente gy’otowa biwata kuba ggwe weebuuze amata ganaava wa?

Nnatuuka nga nfuna omwami. Mu butuufu yali mulungi mu ndabika nga kizibu okukwana omukazi n’amugaana era bwe yang’amba ekigambo nti nkwagala mu mutima ne muddamu nti nzikirizza.

Naye namugamba nti okumuwa omutima gwange gwonna kansooke mwetegereze. Omanyi bagamba nti omulungi tabulako kamogo, nga njagala nsooke mmanye akamogo sserulungi ono kaalina.

Okukola kino nnayagala nsooke mmanye obuzibu bw’alina ngende okumuwa omukwano gwange nga mutegeera, si kumala kumukkiriza ate oluvannyuma nzuule emize nga sikyalina kyakukola.

Kyantwalira emyaka ebiri nga mwetegereza wabula nnakoma kwegyo ne sitawaana kweyongera mu maaso na bya bufumbo nga bwe yali ansaba.

Omusajja gye yakoma okuba omulungi nga gy’akoma okuba omukodo kuba mu bbanga eryo lyonna talina ke yampa ke nnyinza okugamba nti ke kano ke nzijukira.

Okumanya omusajja yali mukodo, bwe yayagalanga okundaba ng’ankubira ne ngenda okumusisinkana ne tunywa n’okulya era bino olwaggwa nga ng’ansiibula n’akwata erirye nange ne nkwata eryandeese naye nga tampadde wadde tulansipooti gwe nnakozesezza oba anzizaayo.

Lumu nnamugezesa bwe yajja okundabako n’angamba talina bulungi ssente. Nnalinamu ezange 15,000/- ne nzimuwa, ne muleka.

Waayita ebbanga nga sizimusabye, kye nnakola kwe kumusalira amagezi ne mugamba waliwo obugatto bwe njagala okugula bwa 10,000/- nga njagala annyongereze ku ze nnina mbugule.

Bwe nayogera ku ky’okumpa ssente ye yali entandikwa y’okwawukana kwaffe, anti yanziramu kimu nti “nja bbukugulira” ne twawukana.

Wabula bwe yagenda teyaddamu kukwata ssimu zange nga ne bwe nkyusa nnamba y’essimu bw’akwata nawulira nga ye nze ng’aggyako.

Wano we nnamayira nti obukodo bw’omwami ono bwali bwa butonde era kye nnakola kwali kusangulamu nnamba ya ssimu ye ne mmuta era ne nkimanya nti abasajja abalungi ennyo tebaagalika.

Baze yantama lwa kukama nte gy’atawa biwata

More From The Author

Emboozi z’omuwandiisi endala

Emboozi endala

Paapa Francis nga yaakatuuka  mu Iraq ku Lwokutaano.

Engeri Paapa gye yeesitudde...

PAAPA Francis ‘Baba al Vatican' (nga bwe bamuyita mu Iraq) ku bugenyi obwebyafaayo mu Iraq yasisinkanye n'omukulembeze...

Catherine Namaato baamusala Catherine okutu ng’ava okukola..

Abakuba obutayimbwa basitud...

BANNAKYOTERA beeraliikirivu olw'akabinja k'abanyazi akateega abantu nga bava okukola ne babakuba obutayimbwa ku...

Ssebwana Kiberu (ku ddyo) ng’akulembeddemu Bannabusiro okukola bulungi bwansi e Kajjansi.

Ssebwana akuutidde abavubuk...

OMWAMI wa Ssaabasajja atwala Essaza ly'e Busiro, Ssebwana Charles Kiberu Kisiriiza, akuutidde Abavubuka abaalondeddwa...

Abamu ku bavubuka abagambibwa okubbira ku bodaboda abakwatiddwa.

▶️ Akabinja k'aba bodabo...

AKABINJA k'ababodaboda ababbi katadde abasuubuzi mu Kampala ku bunkenke. Babbye ssente obuwumbi bubiri mu wiiki...

Omwami w’eggombolola y’e Ngogwe, Livingstone Kisekka (ali mu kyambalo okuli engabo) ng’alaga Omulangira Wasajja (mu ssuuti wakati)amakula ge baaleetedde Kabaka.

Wasajja ajjukiza Gavumenti ...

OMULANGIRA David Kintu Wasajja agambye nti Obwakabaka bwa Buganda bwennyamivu olwa gavumenti okuba nti ekyagaanye...