TOP

Omusajja eyandesa omulimu ansuddewo

Added 9th January 2016

Nze Rosemary Mwagale nga mbeera Katabi e Ntebe, nali mu mukwano ogw’amaanyi ne munnange eyansanga nga nkola mu kawooteeri akamu mu kibuga nga neefunira ensimbi zange ez’ekikazi nga neebeezaawo.

ABAWALA abeesigulira ku basajja ne batuuka n’okubalesa emirimu gyabwe mwe baggya ensimbi nga babasuubizza eggulu n’ensi mukimanyi nti mwesuula mu ntata!

Nze Rosemary Mwagale nga mbeera Katabi e Ntebe, nali mu mukwano ogw’amaanyi ne munnange eyansanga nga nkola mu kawooteeri akamu mu kibuga nga neefunira ensimbi zange ez’ekikazi nga neebeezaawo.

Omukwano bwe gwagenda gweyongera, twasalawo tutandike okubeera ffenna ng’abaagalana.

Wabula nga mmaze okufuna olubuto ne nzaala n’omwana embeera z’omusajja zaakyuka.

Eyali ampa buli kimu, nga takyayagala kumpa yadde ekikumi. Yatandika n’okuddanga amatumbibudde.

Lumu yakomawo awaka n’angamba nti ankooye takyayagala kundaba waka. Namubuuza ensonga etuuse okumutabula nga yeesooza bwesooza.

Yagenda mu maaso n’embeera ze era lumu yafuluma okugenda okukola n’andaalika obutansangawo nti era bwe nnaamwesibako ekinaddako ssijja kukyagala.

Namwegayirira ne tuddamu ne tukwatagana naye ne nfunanga embuto ez’omuddiring’anwa naye nga zonna zivaamu.

Yaddamu okutabuka ng’ayagala muviire. Nagenda okulaba nga sibisobole kwe kusalawo ntandike okwetetenkanya ndabirire omwana wange.

Omwana ng’awezezza emyaka esatu yali azannya ne banne ne bamufumita akambe mu liiso ne litandika okukulukuta.

Omusajja nnagezaako okumukubira essimu mutegeeze ebyatuuse ku mwana naye nga takwata.

Omwana namutwala mu ddwaaliro e Mengo gye bansaba akakadde ka ssente. Bikyannemeredde kuba sirina mulimu mwe nfuna nsimbi.

Abazirakisa abaansanga mu ddwaaliro be bamu ku bannyambako okunsasulirako 400,000/- nga kati nnasigala bammanja 600,000/-.

Nfubye ng’omukazi okunoonya omulimu naye mbuliddwa kyokka nga ne landiroodi we nsula kati ammanja emyezi egiwera era kati ndi mu bweraliikirivu nti agenda kungoba mu nju.

Ekinnuma omusajja ono musuubuzi munene naye tatoola yadde ekikumi okulabirira mutabani we.

Mu kiseera kino nejjusa lwaki nalekawo akalimu kange ne mpaala  n’omusajja.

Abazirakisa munnyambe okumpa omulimu nfune ensimbi ezindabirira n’omwana nga ndi ku ssimu 0774 384649.

More From The Author

Emboozi z’omuwandiisi endala

Emboozi endala

Embeera y'amasiro nga bwegali mu kiseera kino

Omuwanika wa Buganda Waggwa...

OMUMYUKA ow’okubiri owa Katikkiro era Omuwanika wa Buganda,Robert Waggwa Nsibirwa bwe yabadde asoma embalirira...

Abakozi abakolera mu Owino balaajanidde Gavumenti ku mmaali yaabwe

Abakolera mu Owino balaajan...

ABASUUBUZI abakolera mu katale ka St.Balikudembe balaze obutali bumativu olw'abeebyokwerinda okubagaana okutaasa...

Eyafumitiddwa ebiso nga bw'afaanana

Kamyufu afumise munne ebiso...

OLWAMAZE okufumita munne ebiso n’agenda nga yewaana nti, ‘mumaze naye agende yejjanjabe nga nange bwe ngenda okwejjanjaba’....

Nnamwandu Sarah Nassiwa ng'akungubagira bba

Kamyufu afumise munne ebiso...

OLWAMAZE okufumita munne ebiso n’agenda nga yewaana nti, ‘mumaze naye agende yejjanjabe nga nange bwe ngenda okwejjanjaba’....

Ronald Kyobe ng'alaga emmwanyi ze. Ebifaananyi bya Ssennabulya Baagalayina

Abalimi b'emmwanyi e Lwaben...

ABALIMI b'emmwanyi mu ggombolola y'e Lwabenge e Kalungu kwe basinzidde okusaba Gavumenti nti tekoma kubakunga wazira...