TOP

Eyandalula anzisa kibooko

Added 18th February 2016

Omulenzi yannimba nga bw’anjagala ne nziruka ewaffe ne tutandika okubeera ffembi kyokka laavu gye namuwa yonna, ansasuddemu kunsiibya ku miggo n’okunnimisa olutatadde.

 Mutesi n’omwana we.

Mutesi n’omwana we.

ERIISO ly’omukulu, awaddugala we walaba. Nange nalemwa okuwuliriza ebigambo by’abazadde bange ne mpaala n’omulenzi naye kati nnejjusa! Nze Sumaya Mutesi nga nnina emyaka 18.

Omulenzi yannimba nga bw’anjagala ne nziruka ewaffe ne tutandika okubeera ffembi kyokka laavu gye namuwa yonna, ansasuddemu kunsiibya ku miggo n’okunnimisa olutatadde.

Nzaalibwa Bugerere mu disitulikiti y’e Kayunga.

Omulenzi eyampabya ye Daga, 19. Daga ye bamuzaala Busakira mu ggombolola y’e Busakira mu disitulikiti y’e Mayuge.

Nasomako okutuuka mu P6, nga wano abazadde we bahhambira okutandika okutunda amatooke, eby’okusoma ne mbivaako.

Daga okunkwana yansanga ntunda matooke n’ansuubiza okumpa essanyu.

Nga wayise ennaku nga twagalana, yanzigya ewaffe n’andeeta e Busoga gye ndabidde ennaku eterojjeka.

Yandeeta mu 2014 nga kati mbeera naye mu disitulikiti y’e Mayuge era nnaakamuzaalira omwana omu.

Nali ndowooza nti omuvubuka agenda kundabirira nga mmanyi alina omulimu. Kyokka kyambuukako kubanga okufuna ekyokulya, tumala kupakasa.

Tukeera mu nnimiro z’abantu ne tulima ng’eno batusasula ssente oluusi mmere.

Okumanya Daga muzibu, buli lunaku ankuba nga bw’annangira obutaba na mikisa gya ssente ng’agamba nti okuva lwe yanfuna taddangamu kufuna ssente nga bwe yazifunanga.

Nnejjusa ekyanzirusa ewaffe kubanga eka bansasulanga ssente z’okutunda amatooke naye eno sirina kye nfunayo okuleka okundirika emigobante buli kadde.

Ssente ze batusasula mu bupakasi zonna azezza. Embeera gye ndimu n’omwana wange kati ow’emyaka ebiri, mbi nga n’omwana oyinza okulowooza nti taweza mwaka.

Kati nnoonya ssente eziyinza okunnyambako nfune entambula nzireyo ewaffe kubanga obulamu bugaanyi.

Mu butuufu mboneredde, siriddamu kupaala na basajja!

More From The Author

Emboozi z’omuwandiisi endala

Emboozi endala

Kangaawo ng'ayogera e Butuntumula.

Kangaawo akunze Abalemeezi ...

OMWAMI wa Ssaabasajja Kabaka atwala essaza ly' e Bulemeezi, Kangaawo Ronald Mulondo agugumbudde bassemaka  abaganza...

Pulezidenti wa DP Norbert Mao ne Ismail Kirya mu lukiiko ne bannamawulire.

Aba DP basabye Gavt. okuliy...

BANNAKIBIINA kya DP basabye Gavumenti okuliyirira abantu bonna abagenda okufiirwa ettaka awagenda okuyita payipu...

Dayirekita Wambuga (ali mu kkooti) ng' agezaako okunnyonnyola abasomesa abamutabukidde.

Abasomesa batabukidde dayir...

Emirimu gisannyaladde ku ssomero lya Good Luck Junior School e Katalemwa mu ggombolola y'e Gombe mu disitulikiti...

Omukazi nga bamusitula okumussa ku kabangali bamutwale mu ddwaaliro.

Kabangali ya poliisi etomed...

KABANGALI ya poliisi ewabye n'erumba okukazi abadde atambulira ku mabbali g'ekkubo okukkakkana ng'emumenye okugulu....

Mu Kkooti ye kkansala w'e Luzira, Willy Turinawe  ng'atottola obulumi bwe bayitamu.

Abatuuze batabukidde abayoo...

ABATUUZE ba Stage 7 e Luzira ekisangibwa mu Munispaali y'e Nakawa bavudde mu mbeera ne batabukira abakozi ba Kkampuni...