TOP

Ttica yanfunyisa olubuto n'ampaaza

Added 22nd February 2016

Essomero mu kiseera ekyo lyategeka okulambula nga ffenna tulina okugenda wabula ebyembi olunaku bwe lwatuuka, nasanga emmotoka eyalina okututwala ng’esimbudde.

OMUSAJJA eyanfunyisa olubuto nga nkyasoma sigenda kumwerabira mu bulamu bwange. Nze Sylvia Rubby nga mbeera Mpereerwe ku lw’e Gayaza.

Obuzibu bwantuukako nga nsoma S3 mu ssomero erimu e Mbale mu 2003.

Essomero mu kiseera ekyo lyategeka okulambula nga ffenna tulina okugenda wabula ebyembi olunaku bwe lwatuuka, nasanga emmotoka eyalina okututwala ng’esimbudde.

Omu ku baali bakulira essomero yantuukirira n’ahhumya era n’ansuubiza nga bwe yali agenda okuntwala gye twalina okugenda okulambula.

Twasimbula okuva ku ssomero wabula ekkubo twakwata ddala kuba yantuusiza mu loogi nga nkirako ali mu buwambe era yannyingiza ku kifuba.

Olwamala okunkolako eby’ensonyi, yantwala butereevu e Tanzania gy’azaalibwa.

Nga ndi ewaabwe, nakizuula nti yanfunyisa olubuto. Nasanga akaseera akazibu kuba yandekayo n’akomawo ku ssomero gye yali asomesa nga kizibu okumanya ekyali kigenda mu maaso kuba tewali yali akitegeddeko.

Yankuumira mu maka ga bakadde be okumala akaseera nga sirina ayamba. Empuliziganya yali nzibu nnyo kuba nali simanyi Luswayiri ate nga nabo tebategeera Lungereza.

Nabonaabona n’olubuto okutuusa bwe nazaala. Okuva lwe yantwala, yalabikako emirundi ebiri gyokka.

Nalaba nsobeddwa eka ne mu kibira, kwe kugenda ku poliisi emu e Tanzania ne nzigulawo omusango.

Baatandikirawo okukola okunoonyereza okutuusa lwe bankomyawo mu Uganda omusango ne bagukwasa poliisi ya wano.

Omusomesa yakwatibwa n’aggulwako omusango kyokka baategeeragana ne bazadde bange n’akkiriza okumpeerera okutuusa lwe namaliriza emisomo gyange.

Nneebaza Katonda kubanga namala ne nfuna omusajja eyannaazaako ennaku ya ttica. Ono namwanjula mu bakadde bange era ankoledde ebirungi bingi.

Mmusuubiza okumulaga omukwano ogutaliimu makuuli n’okumuzaalira abalongo kubanga gwe nfiirako.

More From The Author

Emboozi z’omuwandiisi endala

Emboozi endala

Fr. Kato nga bamwaniriza mu kigo ky’e Kamwokya.

"Musabire abakulembeze bamm...

KAABADDE kaseera ka ssanyu ate n’okunyolwa ku kigo ky’e Kamwokya, Abakristu bwe baabadde baaniriza Bwannamukulu...

Abakungubazi nga batunuulira ekifaanayi ky’omwana eyattiddwa.

Bawambye omwana ne bamutta

ABATEMU bawambye omwana ow’emyaka mukaaga ne bamutta mu bukambwe, omulambo ne bagwambulamu engoye. Rosemary Ngambeki...

Joseph Ssewungu (ku kkono) ne Latif Ssebaggala nga baliko bye babuuza minisita Jeje Odong (ku ddyo) ku lukalala lw’amannya g’abantu abatalabikako lwe yasomye mu Palamenti.

Ensonga z'ababaka 10 ezitan...

ABABAKA bawadde ensonga 10 lwaki tebamatidde lukalala olwayanjuddwa minisita w’ensonga z’omunda olulaga abantu...

Abaserikale nga batwala omulambo gw'omuwala.

Bagudde ku mulambo gw'omuwa...

ABATUUZE ku Kyalo Kakerenge mu Ggombolola y’e Gombe mu disitulikiti y’e Wakiso baguddemu ekyekango bwe bagudde...

Abatuuze nga baziika Ssali.

Amasasi ganyoose nga poliis...

Amasasi ganyoose nga poliisi y’e Wakiso egumbulula abatuuze abaaziikudde omulambo nga bagamba nti famire teyinza...