TOP
  • Home
  • Ssenga
  • Yantega akamasu ka kumpoowa n'anziba

Yantega akamasu ka kumpoowa n'anziba

Added 2nd September 2016

OMUSAJJA bwe yamala okumpoowa yambuzaabuza n’abba ssente zange! Yanzibako obukadde kkumi n’andeka e Juba ng’amaze n’okunfunyisa olubuto.

OMUSAJJA bwe yamala okumpoowa yambuzaabuza n’abba ssente zange! Yanzibako obukadde kkumi n’andeka e Juba ng’amaze n’okunfunyisa olubuto.

Nze Aisha Nakiyanja, mbeera Bulenga. Nnina ennaku ku mutima kubanga nabonaabona okumala emyaka ebiri nga nnoonya ssente e Juba ekya Sudan.

Nayita mu bugubi ne nkuηηaanya ssente zange obukadde kkumi era ne nfuna essanyu eritagambika.

Wakati mu ssanyu, omusajja gwe nali mpadde omutima gwange yazintwalako nga siguzeeko wadde akatambaala ak’omu ngalo.

Omusajja gwe njogerako ye Musa. Yankwana nga nnaakatuuka e Juba mu 2013. Laavu yaffe yagendera ddala wala n’atuuka n’okunsaba batuwoowe era ekyo kyakolebwa ne nfuuka mukyala we mu mateeka.

Olw’okuba twalina omukwano mungi, bwe nakolanga ssente nga nziteresa musajja wange olw’obubbi obungi obuli e Juba.

E Juba nakola emirimu egiwera omwali ogwa saluuni, okuyonja n’okukamula obutunda. Ssente ze yanzibako naziggya mu mirimu egyo.

Okumanya nali mmwagala, olumu yajjanga n’ankaabira obwavu ne mmuwa ssente agire ng’alyako.

Olwali olwo ng’antuuza bulungi ng’antegeeza nti kye kiseera tuve e Juba tudde ku butaka tusobole okubaako kye twekolera nga tuli ewaffe.

Yammatiza nti alina poloti e Uganda n’aηηamba nti ayagala bwe tuddayo, tuzimbemu ennyumba.

Yayongera n’antegeeza nga bwe tugenda okukola bizinensi ennene naffe tugaggawale. Byonna bye yannyinyonnyola byammatiza ne mmukwasa obukadde kkumi bwe nali nkuηηaanyizza ne nneewaayo tukole ffembi.

Nga mmuwadde ssente, yandeka e Juba n’akomawo, nze ne mmugoberera oluvannyuma. Bwe natuuka mu Uganda namukubira amasimu nga takwata ne nsoberwa.

Bwe nalemerako n’agikwata ne tukkaanya okusisinkana. Namubuuza ennyumba yaffe gy’azimba nga by’anziramu tebikwatagana.

Okubuuza ku bizinensi nga nayo teriiwo! Nagenda okuwulira mu ηηambo nga biyitiηηana nti apanga kubuuka kugenda Dubai.

Naddukira ku poliisi ne nneekubira enduulu. Naggulawo omusango ku fayiro SD 37/17/08/2016 ne bamukwata n’aggalirwa.

Ekisinga okunnuma, ssente zange ze nabonaabonera bwentyo saaziryako. N’okuddira omukwano gwange ne nguwa omufere nkyejjusa.

More From The Author

Emboozi z’omuwandiisi endala

Emboozi endala

Ab'e Korea batandise kampey...

AB’E Korea bali mu kugaba musaayi okumala ennaku ttaano okutaasa bannaabwe abakwatibwa ekirwadde kya Corona.

Omubaka Amelia Kyambadde nga yeegasse ku batuuze okukola bulungibwansi

Abakulembeze mwongere amaan...

EKIBIINA ky'obwannakyewa kikulembeddemu abatuuze b'e Mpambire ne bakola bulungibwansi omubaka Amelia Kyambadde...

Omugenzi Maj. Gen. Eric Mukasa

Kabaka atenderezza munnamag...

KABAKA Ronald Muwenda Mutebi II akungubagidde omugenzi Maj.Gen. Eric Mukasa gwayogeddeko ng’omu ku bavubuka abazira...

Ebiragiro by'akakiiko k'ama...

EBIRAGIRO by'akakiiko k'amasaza bitemyemu abaddukanya ttiimu ezenjawulo ng'abamu babiwagira ,ate ng'abalala bawera...

Aba akeedi bawanjagidde Gav...

ABAKULEMBEZE ba KACITA balabudde nti bavudde ku nkola y'akakiiko akassibwaawo okulambula akeedi mu Kampala okukakasa...