TOP

Muggya wange nnamukubisa mpisa

Added 28th March 2017

SARAH Akwi yafunako ku muggya we naye teyasiba migugu.

 Akwi

Akwi

SARAH Akwi yafunako ku muggya we naye teyasiba migugu. Annyonnyola bwati bwe yamalako n’embeera eyo;

“Nnali naakamala emyaka 3 mu bufumbo, ne nzuula nti baze alinayo omukazi omulala. Yatandika okukomawo awaka ng’obudde buyise, olumu ng’azira n’emmere.

Yatandika okuyomba buli kiseera nga n’akantu akatono kamuyombya.

Kino kye kyampaliriza okunoonyereza mmanye oba alinayo omukazi omulala.

Lumu yalekawo essimu ye ne ngikebera ne nsangamu obubaka bw’omukwano ng’omukazi abumusindikidde.

Nawulira nga mpeddemu amaanyi wabula ne ηηuma kubanga nali naakazaala omwana wange owookubiri nga sisobola kumulekawo.

Bwe yakomawo ne mmubuuza ku by’omukazi n’asooka okumwegaana. Bwe nalemerako n’ambuulira ekituufu era n’ansaba mmusonyiwe.

Wadde yeenenya nnamanya nti omusajja bw’atandika obwenzi tosobola kumukyusa.

Nabuuzaako mikwano gyange abaludde mu bufumbo bampe ku magezi ne baηηamba nsooke mmubuuze by’ayagala mmukolere bye sikola. Nayogerako ne maama naηηamba ηηume.

Kuno nagattako okumusabira okutuusa Mukama bwe yamuzza kati wange bwomu. Bwe twatuula n’omwami wange yaηηamba nti yali akooye okumuyombesa n’obutamulaga mukwano.

Bwe nnamanya ensobi yange ne nkyusaamu.

Nakanya mpisa ne mufukaamirira kuba nnali nkimanyi nti akyagala ate nga mmanyi nti muggya wange takikola.

Nayongera amaanyi mu kufumba kwange era omwami wange nga ne bw’agenda awalala akomawo n’alya emmere gye nfumbye kubanga y’emusingira.

More From The Author

Emboozi z’omuwandiisi endala

Emboozi endala

okulonda e Lwengo tekujjumb...

OKULONDA mu bitundu bye Lwengo kubadde kw'abitege nga ebifo ebironderwamu abalondesa babadde bakonkomalidde mu...

ANATALIA Ozze yennyamidde o...

ANNET Nambooze amanyiddwa nga Annatalia Oze olumaze okusuula akalulu ke n'ategeeza abantu nga bwagenda okubakulembera...

Mayiga ng'ayogera.

Abantu okulonda Bobi Wine m...

KATIKKIRO wa Buganda, Charles Peter Mayiga agambye nti ennonda abantu ba Buganda gye baalonzeemu mu kalulu k’Obwapulezidenti...

Ffeffekka Sserubogo

Okulonda ssentebe e Kayunga...

OKULONDA Ssentebe wa disitulikiti ne bakansala b'e Kayunga kutandise kikeerezi olw'abalonzi okulwawo okugenda mu...

Ffeffekka Sserubogo ng'akuba akalulu.

Ab'e Kayunga tebajjumbidde ...

OKULONDA Ssentebe wa disitulikiti ne Bakansala b'e Kayunga kutandise kikeerezi olw'abalonzi okulwawo okugenda mu...