TOP
  • Home
  • Ssenga
  • Kikyamu okusuulirira omukadde akuzaala

Kikyamu okusuulirira omukadde akuzaala

Added 20th September 2017

Kino tekitegeeza nti nnyoko alina kufuuka mukwano gwo, nedda era tukimanyi nti tekisoboka kubanga temwakula mwenna.

 Abaagalana nga bali mu mukwano.

Abaagalana nga bali mu mukwano.

MWANA wange weebale emirimu gy‛okola era nkusiima byonna by‛otukolera.

Naye nafunye ennyiike bwe nakizudde nti mukulu munnaffe akuzaalira ddala tomufaako nga bw‛otufaako era n‛okufa ku bantu b‛omukyala gw‛oli naye.

Mwana wange nkimanyi bulungi nti maama wo teyakukuza naye embeera yonna ogimanyi nti kitaawo yamugaana okulinnya awaka era n‛okukulabako.

Era okimanyi bulungi nti omukyala oyo olw‛omukwano yagendanga ku ssomero n‛akulabako. Kati kiki ekikugaana okumulabirira?

Ekisookera ddala, oli muntu mukulu saagala oyingire mu ntalo za bazadde bo. Balina we baasobya naye omukyala oyo asigala nga maama wo era tolinaayo mulala.

Ekirala, kyannaku nti ffe abataakuzaala otufaako nnyo kyokka Kikyamu okusuulirira omukadde akuzaala ng‛omuzadde ayakuzaala tomufaako.

Sirowooza nti kituyisa bulungi kubanga olina obusobozi okulabirira maama wo. Ate era ne bw‛otandibadde na busobozi bumala, omuzadde kintu kikulu nnyo mu bulamu.

Kino tekitegeeza nti nnyoko alina kufuuka mukwano gwo, nedda era tukimanyi nti tekisoboka kubanga temwakula mwenna.

Naye olina okumuyisa ng‛omwana yenna bw‛alina okuyisa nnyina.

Wano jjuuzi baabadde bamukwatidde mu ddwaaliro nga talina ssente za bujjanjabi, kyokka omukadde akuzaalira omukyala wasobola okumujjanjaba mu ddwaaliro ery‛ebbeeyi era ssente zaali nnyingi.

Mwana wange ky‛osobola okukolera omuzadde omulala gw‛olabye ng‛okuze kikolere owuwo ate oyiseewo.

Ate bw‛oba tokimanyi kino kisinga kugasa ggwe. Okimanyi nti amasimu gaatuuka ne ku mulimu olwa maama okumukwatira mu ddwaaliro era mmanyi banno abaabimanyaako baasigala bakusunga.

Ye olwo kifaananyi ki ky‛owa abaana bo, nga balaba tolabirira jjajjaabwe? Omukyala ono newankubadde wa mu kyalo ye maama wo era tolina mulala.

Mwana wange ensonga eno gifeeko kuba tuswala ate n‛eddiini zonna zigulumiza okulabirira abazadde mu ngeri yonna esoboka era n‛okubassaamu ekitiibwa.

More From The Author

Emboozi z’omuwandiisi endala

Emboozi endala

Sheikh Mulindwa ng'asaaza Idd e Luweero.

'Gavumenti eyalayidde erwan...

Sheikh Mulindwa ku muzigiti gw'e Kasana Luweero. Ba Samuel Kanyike           DISITULIKITI Khadi wa Luweero,...

Lubega akulembedde ne Amatos ku kkooti e Makindye.

Abaali bafera paasita basin...

ABASUUBUZI b'omu Kampala basindikiddwa mu kkomera lwa kugezaako kufera Paasita ssente ezikunukkiriza mu buwumbi...

Spice Diana asiibuludde aba...

Bya Mukasa Lawrence  ABAYIMBI okuli Spice Diana ne munne Fik Femaika bavuddeyo ne baduukirira abasiraamu ku...

Abakozi ba Rock bavudde mu ...

Bya Phoebe Nabagereka Abakozi mu kampuni ya Roko e Gerenge mu town council ye Katabi bekalakasiza nga balaga...

FDC evumiridde effujjo erik...

Bya Doreen Namaggala AMYUKA ssabawandiisi w'ekibiina ki FDC, Arnold Kaija asabye bannayuganda okukomya okutiisatiisa...