TOP
  • Home
  • Ssenga
  • Omusajja bw'atandika obuteesiga mukyala we ng'akabi kazze

Omusajja bw'atandika obuteesiga mukyala we ng'akabi kazze

Added 10th October 2017

OMUSAJJA okutandika obuteesiga mukyala we kitera kuva ku musajja nga yafunyeeyo omukazi ow’ebbali.

OMUSAJJA okutandika obuteesiga mukyala we kitera kuva ku musajja nga yafunyeeyo omukazi ow’ebbali.

Atandika okulaba ow’awaka ng’ekisiraani nti era amuloga wamu n’okuloga omukyala oli omugole.

Era oluusi n’oli omugole n’ayongeramu n’omunnyo ng’ategeeza nga bw’atandise okugwirwa ebimbe naddala okuvaanu embuto.

Jjukira abakazi bano ab’ebbali batera okuba bamalaaya abamanyi obukodyo bw’okulya ensimbi z’abasajja era nga bamanyi nti okwongera okubasikamu ssente balina kulaga nabo bwe baagala okubazaalira abaana naye ng’omukazi ow’awaka abakoledde eddogo eribaggyamu embuto. Kino nno kitera okutabula abasajja era gye bikkira nga batandise okulaba abakyala b’awaka nga ba ‘aduuyi’!

Batandika okulangira abakyala b’awaka bano obulogo ne batandika n’okwekengera emmere gye balya awaka. Omukazi ne bw’ateeka omunnyo mu nva, batandika okugulaba ng’eddogo.

Era oluusi gye bikkira nga n’entalo zibaluseewo mu maka. Abamu bakoma okulya emmere awaka olw’okutya eddogo lya mukyala mukulu, olwo ate olw’okuba tebakyalya waka olwo nga n’emmere bakoma okugigula anti nga tebakyalaba nsonga ebaguza mmere gye batalya.

Era mu nnaku enkulu abakazi bangi ab’awaka abatafuna wadde akanyama oba olugoye olw’okubalanga obulogo.

Omusajja eyeeyisa mu ngeri eno ayinza okumala ebbanga nga talinnyeeko waka, obudde bwonna abumalira wa mugole mu ngeri y’okunyweza omukwano n’okwewala okutambuza eddogo lya mukyala mukulu okulireeta ewa mukyala muto.

Era omugole okwongera okwefunza omusajja assaawo embeera eraga nti omusajja buli lw’agendako mu maka ge avaayo n’ebimbe mukyala mukulu by’asindikira omugole asobole okumudibya.

Ekyewuunyisa, ate ssinga omusajja ssente zitandika okukeewa, olwo omugole aba takyalaba buzibu bwonna ssinga omusajja obudde obusinga aba abumalira mu maka ge era olwo ng’amujjukiza nga bw’atateekeddwa kusuulirira buvunaanyizibwa bwe obw’okulabirira abaana be n’omukyala, kubanga bw’abasuulawo olwo bajja kwetikka ye (omugole).

Omanyi ye malaaya tayagala bwavu; era bwezikuggwaako ng’atandika okukulaba ng’omuziina!

Ate abasajja bano olwo ng’atandika okuvaabira emmere gye yalangiranga omukazi w’awaka nti amuteereddemu eddagala!

Oyo ye sitaani nga yakyadde! Atuusa omusajja okwekengera buli mukazi ky’akola awaka. Ne bwe kuba kumwoleza ngoye ze, alaba ng’omukazi akikoze lwa kwagala kumuteeramu ddagala limuloga.

More From The Author

Emboozi z’omuwandiisi endala

Emboozi endala

Omugagga Ham eyakulembeddemu bannanyini bizimbe mu lukiiko ne Amelia Kyambadde

Bannanyini bizimbe balemedd...

AKAKIIKO kebassaawo okubaga ebinaagobererwa kisobozese okuggulawo akeedi z’omu Kampala kamalirizza lipooti eno...

Jackson Musisi kitunzi w'essaza lya Gomba ku kkono ng'akwasa Mansoor Kamoga obuvunaanyizibwa bw'essaza

Aba ttiimu y'essaza lya Gom...

OLUVANNYUMA lw’ Essaza lya Gomba okusaasaanya ssente empitirivu mu kugula abazannyi, abakungu baalyo bafunyemu...

Omutendesi Bamweyana ng'assa ku ndagaano omukono

Omutendesi Bamweyana olwega...

OMUTENDESI omuggya owa Wakiso Giants FC mu Star times Uganda Premier League, Douglas Bamweyana asuubizza omupiira...

Bryan White kati asizza ku ku byuma

Bryan White mulwadde muyi: ...

Bryan White mu kiseera kino asizza ku byuma amaze wiiki biri mu ddwaaliro ly'e Nakasero kyokka embeera ye ekyagaanye...

Kato Lubwama nga tebannamulongoosa

Omubaka Kato Lubwama bamulo...

OMUBAKA Kato Lubwama ( Lubaga South) amaze essaawa ssatu mu sweeta ng'abasawo bamulongoosa n'okumwekebegya omulundi...