TOP
  • Home
  • Ssenga
  • Mukyala wange namukwata ne muliraanwa ne mugoba

Mukyala wange namukwata ne muliraanwa ne mugoba

Added 19th January 2018

Essanyu lyali lingi mu maka wabula lyali lya kiyita mu luggya kuba embeera za munnange zaatandika okukyuka ne nfuna n’endowooza nti osanga yafunyeyo omusiguze.

 Matovu

Matovu

OMUYIMBI Willy Mukaabya yabiraba nti omwenzi omusiru ayenda ku muliraano olw’amaddu amangi.

Kale ddala kiki ekyatwala mukyala wange gwe nnali mpa buli kimu okwagala muliraanwa n’atuuka n’okumugabira ebyalo! N’okutuusa kati ekintu kino kimbobbya omutwe kuba neebuuza ebibuuzo bingi kyokka ng’ebyokuddamu sirina.

Nze Robert Matovu, nnina emyaka 35, nga mbeera Kawotto mu Town Council y’e Kajjansi. Ndi muvuzi wa bodaboda era nga nkola n’ogwa ‘crime preventer’.

Emyaka egiyise, natuuka ekiseera ne njagala okufuna omuntu ow’okubeera naye awaka tutandike okwezimba n’okufuna obuvunaanyizibwa.

Bwentyo nagendako ewa mukulu wange e Munyonyo era engeri mukoddomi wange bwe twali aboomukwano, yalina mwannyina era wano we namwegombera ne ntandika okumwogereza okutuusa lwe yakkiriza ne tutandika okubeera ffena e Kajjansi.

Embeera teyali mbi mu kusooka kuba twali tussa kimu nga nkuyege nga n’omukwano awaka we guli.

Mu myaka esatu gye namala naye, yafuna olubuto n’azaala omwana omuwala.

Essanyu lyali lingi mu maka wabula lyali lya kiyita mu luggya kuba embeera za munnange zaatandika okukyuka ne nfuna n’endowooza nti osanga yafunyeyo omusiguze.

Wabula saamanya nti omusiguze yali muliraanwa bwe twawula embalaza! Nagenda mu maaso n’emirimu gyange wabula nga bwe bagamba nti ennaku ziba 40.

Lumu nakomawo awaka mu budde munnange bw’atasuubira era nasanga taliiwo.

Wabula nagenda okuwulira ng’ekiri ewa muliraanwa kifumba mutuku ηηenda okukonkona nga mukyala wange ali bute yeerigomba ne muliraanwa.

Kino kyankuba wala kuba muliraanwa twali tukola mulimu gwe gumu nga ne siteegi tuli kw’emu wabula nga yazannyira ku mukyala wange bwe twatoba era teyannyega kigambo n’okutuusa kati era nange namwesonyiwa.

Nnali sisobola kusigala na mukyala oyo era wano twayawukana naye nga sikyamuwuliza.

Ekinnuma yagenda n’omwana wange kye manyi omwana ali nga mu myaka kati etaano ng’atuuse n’okusoma.

Omwana wange ayinza n’okuba nga tasoma kuba nnyina tasobola wadde okusasula fi izi kyokka nga kitaawe ndi mulamu.

Wano emmundu nasooka ne ngizza ku ggombololsa eby’abakyala ne nsooka mbiwummula nnoonye ssente nezimbe kuba abakazi babbi nga ne kye baagala tebakimanyi.

More From The Author

Emboozi z’omuwandiisi endala

Emboozi endala

Avuganya Ssekandi ku ky'omu...

RICHARD SEBAMALA avuganya omumyuka wa Pulezidenti, Edward Kiwanuka Sekandi ku babaka bwa Palamenti obwa Bukoto...

Lubega

Ebikonde sibyevuma - Lubega

OMUGGUNZI w'ehhuumi, Joey Vegas Lubega annyuse ebikonde oluvannyuma lw'emyaka 23 bukya alinnya kigere kye ekisooka...

Donald Trump

Trump alemeddeko ku by'akal...

EBY’AKALULU ka ssaayansi byongedde Donald Trump n’ategeeza nga bw’ali omusajja omukulu atayinza kukkiriza kuleka...

Paapa eyawummula Joseph Aloisius Ratzinger

Paapa Joseph Aloisius Ratzi...

PAAPA Benedict XVI eyawummula ng’amannya ge ag’obuzaale ye Joseph Aloisius Ratzinger muyi. Ratzinger 93 obulwadde...

Abaabadde balambula ppaaka ekolebwa.

Abakola ppaaka enkadde bale...

Bakansala ba KCCA abatuula ku kakiiko akateekerateekera ekibuga n’okuzimba nga bali wamu n’abakugu baalambudde...