TOP

Omusajja eyangobya awaka mwevuma

Added 20th January 2018

NZE Ritah Namutebi 22, mbeera Kawempe. Gye buvuddeko twalabagana n’omusajja e Buikwe gye nnali mbeera ne bazadde bange.

Mu kiseera ekyo nnali mu S2 era namatiza mu buli kimu okukkakkana nga tugudde mu laavu. Yandaga omukwano era nga sirina kye njula.

Okusinziira ku bwe yampisaamu, namanya nti nfunye omuntu omutuufu atandabye nnaku.

Twapepeya ne mwanamulenzi ono okukkakkana ng’amawulire gano gagudde mu matu ga bazadde bange.

Kino kyabanyiiza era ne bantabukira. Okumanya baanyiiga, baatuuka n’okugaana okuddamu okumpeerera ku ssomero nga bagamba nti bakooye okubonoonera ssente zaabwe.

Bino byonna okubaawo, nnali mmalirizza ebibuuzo byange ebya S4 eby’akamalirizo. Bandagira ηηende ew’omusajja ampeerere n’okunyongerayo okusoma.

Omusajja namuyitiramu ku byali bintuseeko wabula olwabitegeera naneefuulira ng’agamba nti ye yali tannatuusa kuzaala mwana wa kuweerera mu ssomero era yali talina ssente yonna gye yali agenda kunkombyaako.

Bazadde bange beeyongera okunteekako akazito ng’awaka sikyakwatagana nabo okugyako okungobaganya n’okunnangira obwenzi kyokka nga n’omusajja anvumaganya yaneefuulira dda.

Nalaba embeera eneemeredde ne nsalawo okuva awaka okutandika obulamu obupya okutuusa bwe nafuna omulimu e Kampala.

Wabula Katonda yankwatirako n’ankolera ekyamagero kuba nafuna omusajja omulala eyanaazaako ennaku gye nalina ku mutima.

Twasiimagana ne tutandika obulamu obw’obufumbo era ebintu bitambula bulungi kuba tubufuniddemu ebirungi bingi omuli okwekulaakulanya n’ezzadde.

Omusajja amanyi omukwano era tanjuza. Musuubiza okwongera okumulaga omukwano omuli n’okumuzaalira abalongo nga Katonda ye mubeezi waffe.

More From The Author

Emboozi z’omuwandiisi endala

Emboozi endala

Omusango gwa Kibalama gulek...

OMUSANGO gwa Moses Kibalama ogw’obwannanyini bw’ekibiina kya NUP gwakusalwa nga October 16. Kyokka we banaagusalira...

Kibalama

Kibalama ayogedde lwaki yak...

EYALI Pulezidenti w’ekibiina kya National Unity and Reconciliation Party (NURP) Moses Nkonge Kibalama, agamba nti...

Owa North Korea yejjusizza ...

AMAGYE ga North Korea okutta munnansi wa South Korea gwe baasanze abuuse ensalo ng’ali mu mazzi gaabwe biranze....

Omukungu wa Twaweza ng'annyonnyola

Aba Twaweza bafulumizza ali...

LEERO Mande September 28, 2020 giweze emyaka 15 nga Uganda eyisizza etteeka erikkiriza abantu okufuna amawulire...

Amaka ga Seya Sebaggala

Seya alese omukululo mu byo...

EBYOBUFUZI ebyali bibuutikiddwa abayivu, Seya yabikyusa n’abiyingizaamu n’abantu ba wansi abaali beerabiddwa.