TOP

Omukazi anzibyeko omwana wange

Added 24th March 2018

ABAKAZI ennaku zino balabika baafuuka basuubuzi kubanga ne bw’ogezaako okumulaga essanyu asigala akulaba nga eyamutomeza. Nze Kenneth Lubega, nnina emyaka 40, mbeera Nsangi era gye nkolera emirimu gyange egy’obusuubuzi.

Twalabagana ne mukyala wange ono mu saluuni ya mukwano gwange gye nnali ηηenze okusala enviiri.

Wadde yasooka kugaana naye oluvannyuma yakkiriza ne tutandika okwagalana. Waayita emyezi esatu ne tutandika okubeera ffena ng’abafumbo.

Twagenda mu maaso n’omukwano gwaffe ne tuzaala n’omwana waffe eyasooka. Wano we nagendera ne mu bazadde be e Butambala ne neeyanjula era ne bansiima.

Wabula bwe yamala okuzaala omwana owookubiri, yatandika okwecanga nga buli kye mugamba anziramu nga bw’ayagala nga n’emboozi yakendeera.

Lumu namusanga taliiwo awaka kwe kumukubira essimu n’antegeeza nga bwe yatandise okukola era yabadde teyeetaaga kuηηamba kuba sirina makulu gyali.

Bwe yakomawo ne munnenyako, yayomba n’akeesa obudde era bwe bwakya n’akwatamu ebibye n’agenda n’andekera abaana babiri ng’omuto wa myezi mukaaga.

Bwe yamala okugenda, nalowooza nti osanga omutima gw’abaana gunaamuluma n’akomawo kuba baali bakyali bato naye teyakomawo.

Nagenda e Nateete gye yali akolera mu wooteeri ne mwegayirira era n’aηηamba mwesonyiwe mpozzi ng’ayagala abatwale abasadaake kubanga takirinaamu buzibu n’azaala abalala.

Kati ekisinze okunneeraliikiriza ye mukazi ono eyakomyewo n’abba omwana wange abadde asinga obuto era kati guweze omwezi mulamba bukya amutwala siddangamu kumulaba ng’ate omukazi yali mumalirivu okusaddaaka omwana wange kuba yakyogera.

Kyokka bazadde be bwe mbagamba tewali afaayo ekitegeeza nti nabo balabika balina kye bamanyi.

Wano we nsabira abasomi ba Bukedde okumpa ku magezi kubanga gannesibye ate nga n’omutima gw’omwana wange gwe mbadde nkuzizza gunnuma kuba simanyi oba mulamu.

More From The Author

Emboozi z’omuwandiisi endala

Emboozi endala

Embeera y'amasiro nga bwegali mu kiseera kino

Omuwanika wa Buganda Waggwa...

OMUMYUKA ow’okubiri owa Katikkiro era Omuwanika wa Buganda,Robert Waggwa Nsibirwa bwe yabadde asoma embalirira...

Abakozi abakolera mu Owino balaajanidde Gavumenti ku mmaali yaabwe

Abakolera mu Owino balaajan...

ABASUUBUZI abakolera mu katale ka St.Balikudembe balaze obutali bumativu olw'abeebyokwerinda okubagaana okutaasa...

Eyafumitiddwa ebiso nga bw'afaanana

Kamyufu afumise munne ebiso...

OLWAMAZE okufumita munne ebiso n’agenda nga yewaana nti, ‘mumaze naye agende yejjanjabe nga nange bwe ngenda okwejjanjaba’....

Nnamwandu Sarah Nassiwa ng'akungubagira bba

Kamyufu afumise munne ebiso...

OLWAMAZE okufumita munne ebiso n’agenda nga yewaana nti, ‘mumaze naye agende yejjanjabe nga nange bwe ngenda okwejjanjaba’....

Ronald Kyobe ng'alaga emmwanyi ze. Ebifaananyi bya Ssennabulya Baagalayina

Abalimi b'emmwanyi e Lwaben...

ABALIMI b'emmwanyi mu ggombolola y'e Lwabenge e Kalungu kwe basinzidde okusaba Gavumenti nti tekoma kubakunga wazira...