TOP
  • Home
  • Ssenga
  • Engalo lwe zikweyimirira mu nsonga z'ekisenge

Engalo lwe zikweyimirira mu nsonga z'ekisenge

Added 24th April 2018

Engalo lwe zikweyimirira mu nsonga z’ekisenge

 Abaagalana nga beenoonya.

Abaagalana nga beenoonya.

“ENGALO kye kimu ku bitundu by’omubiri ebisinga okusumulula munno, n’omussa mu mmuudu.” Bwatyo William Kitonsa, omukugu mu kubuulirira abantu ku nsonga z’omukwano e Mengo bw’agamba.

Engalo ziyamba mu kuteekateeka omukyala naddala ssinga omusajja aba amanyi ekyokukola. Omusajja azikozesa mu kunyonyoogera ebitundu ng’ennywanto z’amabeere, ekkundi, n’ebifo ebirala, era ssinga kino okikola bulungi omukazi tajja kusigalamu kuwankawanka kwonna.

Engalo ezo era ze zirina okukonkona nga mutuuse e Namboole. Wano okusinga ateekeddwa kukonkona ku zaabaggibwa ebbiri mu ngeri entuufu, era kino ssinga akikola bulungi, omukazi ajja kwanguwa okuggulawo.

Ate bw’oba waakafuna munno, engalo zino ze zikuyamba okuvumbula ebifo ebiterese obusimu bwe, kuba buli lw’okwatawo oba okuweeweetawo muli yeekanga olwo ng’omanya nti w’okutte weewo awatuufu.

Engalo era ze zipima woyiro okukakasa nti ddala aweze, olwo emikolo ne giryoka gigenda bukwakku. Mu nsonga zino, engalo zonna ziba za mugaso, wabula ebbiri eza wakati ziba n’omulimu munene okusinga ku ndala. Ekirala engalo zino zirina okuba ennyonjo era nga n’enjala zisaliddwa bulungi okwewala okukosa munno nga mwesanyusa. Engalo ebbiri eza wakati ze zinoonya ekkubo n’okukebera oba ensulo zizibukuse bulungi, olwo ne mulyoka mutandika emirimu.

Ate era engalo ebbiri eza wakati omusajja ayinza okuzigatta n’azikozesa okwongera okusumulula munne ng’aziteeka munda mu bukyala ssaako okuweeweeta abalongo nga tannatuusa kuyingirira ddala.

Mu ngeri y’emu, ssinga omusajja amalamu mangu akagoba nga munne tannatuusa, asobola okukozesa engalo ezo n’amuyamba okutuuka ku ntikko n’atasigala ng’awankawanka. Ku ludda lw’omukazi, engalo, zimuyamba okuweeweeta munne naddala mu kirevu, mu nviiri, mu mugongo, ekifuba, amabeere n’ebifo ebirala, era ssinga omukazi azikozesa bulungi banyumirwa omukwano.

Wabula Teopista Busuulwa omusawo mu ddwaaliro lya Kings Ark e Wakaliga yagambye nti omusajja ssinga akozesa engalo ze ng’enjala si nsale bulungi asobola okuyuza oba okuleeta amabwa ku balongo b’omukazi n’ebifo ebirala n’atta mmuudu ye olw’obulumi bw’abeeramu era omukyala ayinza obuteegomba kuddamu kwegatta na musajja oyo.

Ku ludda lw’omukazi Busuulwa yagambye nti ssinga omukyala akozesa bubi engalo ze n’anyiga ensigo n’omusajja bwa munne n’amulumya kimumalamu amaanyi g’ekisajja.

More From The Author

Emboozi z’omuwandiisi endala

Emboozi endala

Mbuga ne Vivian

Ebya SK Mbuga ne mukyala we...

JALIA Vivian Mbuga yasoose kuvaayo ng’ayita ku mukutu gwe ogwa Face book n’avumirira ebikolwa by’obutabanguko mu...

Obutungulu busobola okukugg...

GWE abadde alowooza nti obwavu bwakwesibako era nga n’olumu weeyita mwavu, okukaaba kwo kukomye anti obutungulu...

Paul Kafeero

Ebya Kafeero okuziikuulwa b...

ABAANA ba Paul Kafeero bana bapangisizza looya omupya okubawolereza mu musango ogwabawawaabiddwa bannaabwe 10....

Engeri Corona gy'akosezzaam...

Engeri abatawulira, abatayogera n’abaliko obulemu obulala ate nga balina obulwadde bw’olukonvuba gye bakoseddwaamu...

Ennyumba Ssendawula gye yazimba e Kayunga.

Famire y'omusama amansa sse...

OLUKIIKO lwa ffamire olwatudde ku nsonga z’omuvubuka wa ‘Rich Gang’ Luke Junior Ssendawula lwasazeewo aziikibwe...