TOP

Harriet yampummuza omutima

Added 26th April 2018

NZE Caleb Atuhire 41, mbeera Kitebi. Nasisinkana Harriet ng’alina waafumbira emmere mu Ndeeba.

Twasooka kubeera bamukwano okumala emyaka musanvu nga simugambangako nti mmwagala era ebiseera ebyo nali nkola gwa kuvuga bintu ku kagaali. Harriet mukazi wanjawulo ku balala.

Mukkakkamu, ayogera bulungi, mukozi, alina ebigambo ebizimba ate ebikulaakulanya era nga ye yanyamba n’okuva ku kagaali okudda ku bodaboda ya pikipiki anti tukwataganira wamu mu buli kintu.

Siyinza kwerabira lwe nafunamu obuzibu ng’omuntu yenna n’ampa emitwalo 50 ezannyamba okuva mu buzibu obwo. Tasiba busungu, ayagala abaana, muyonjo, andabirira bulungi, afaayo, awuliriza ate ayagala abantu bange era abafaako.

Waliwo ne maama lwe yalwala ne bamuwa ekitanda okumala wiiki bbiri naye yamulabirira okutuusa lwe yatereera.

Ebyo byonna yabikola nga tukyali bamukwano era awo nange ne musaba okubeera mukyala wange. Yasooka n’agaana naye ne mmulemerako okutuusa lwe yakkiriza era ne tufuuka omwami n’omukyala kati myaka etaano.

Mpulira essanyu ne bwe mba mulowoozezza bulowooza kubanga mmwagala ate naye anjagala.

Abakazi abasinga bagamba nti ssente zaabwe ziba za kikazi era nga n’abasajja abasinga bagamba nti kizibu okulaba ku ssente z’omukazi naye Harriet si bwali, ezize zaffe fenna nga famire era kazibe fiizi z’abaana era tukwatira wamu.

Kantwale omukisa guno okutegeeza Harriet nti, Mukwano weebale kunjagala era nange nkwagala era nkusuubiza okukwagala pakalasiti.

More From The Author

Emboozi z’omuwandiisi endala

Emboozi endala

Robert Kyagulanyi Ssentamu

DPP yeddizza omusango gwa K...

KKOOTI eggye enta mu musango gw'okulimba emyaka, munnamateeka Hassan Male Mabiriizi gweyawaabira omubaka wa Kyadondo...

Gav't etaddewo obukwakkuliz...

GAVUMENTI etegeezezza nti abasuubuzi abaagala okuddamu okusuubula ebintu ebiva n'okutwaliribwa mu mawanga g'ebweru...

Minisita w'Ebyensimbi Kasaija ne Byarugaba akulira NSSF nga boogera

Bannayuganda muve mu kwejal...

MINISITA w'ebyensimbi Matia Kasaija alabudde Bannayuganda bave mu kwejalabya batereke ssente ezisobola okubayamba...

Omusango gwa Kibalama gulek...

OMUSANGO gwa Moses Kibalama ogw’obwannanyini bw’ekibiina kya NUP gwakusalwa nga October 16. Kyokka we banaagusalira...

Kibalama

Kibalama ayogedde lwaki yak...

EYALI Pulezidenti w’ekibiina kya National Unity and Reconciliation Party (NURP) Moses Nkonge Kibalama, agamba nti...