TOP
  • Home
  • Ssenga
  • Omusajja gwe twava naye mu bwanvu anneefuulidde

Omusajja gwe twava naye mu bwanvu anneefuulidde

Added 20th July 2018

BANNANGE abasajja bazibu, omusajja gwe twava naye mu bwavu ne tukola emisana n’ekiro kati anneefuulidde n’ansuulawo.

Nze Dorah Nambi. Ndi mutuuze ku kyalo Kirangira ekisangibwa mu ggombolola y’e Nama mu disitulikiti y’e Mukono.

Baze ye Paul 36, nga muvuzi wa ttipa mu kibuga Mukono era mulinamu abaana bana okuli ow’emyaka omwenda, omukaaga, n’esatu n’ow’emyezi ekkumi.

Omwami wange yatandika okukyuka mpolampola era yatuuka ekiseera nga takyakomawo waka wabula ne ntandika okutya. Wano we nafunira amawulire nti yafunayo omukazi omulala mu bitundu by’e Mukono.

Waayitawo ekiseera ηηenda okuwulira nti azadde abalongo era n’atandika okumbonyabonya era ensonga ne nzitegeezaako balamu bange abaηηumyanga buli kadde.

Ono teyakoma okwo yatandika okutunda ku kibanja kyaffe mpolampola okutuusa ku luggya era ne tusigaza kaabuyonjo na nnyumba.

Ate oluvannyuma yantabukira n’atandika okunneewerera okunzita nti ndeeta abasajja mu nnyumba.

Kyambuukako nga June 20, 2018 ku ssaawa 6:00 oz’ekiro nnali mu nnyumba nga nneebase ne mpulira emmotoka awaka ne nsitukiramu mangu okugenda okulaba ani azze era ku baze kwenakuba amaaso.

Nafuluma ne ηηenda ewa muliraanwa ne neekweka mu bbulooka nga ntya kubanga yali ansuubizza okunzita, era nnali nkyali eyo ηηenda okuwulira ng’amukaza nti mpa mukazi wange omukwese eyo.

Kino kyampaliriza okuvaayo gye nnali nneekwese ne musaba ave ku mukazi wabandi kuba ono ye yannyambanga okumpa ku ssimu okumukubira bwe nnali sirina mmere.

Wano yeecwana n’adda mu mmotoka ye n’agizza emabega okutuuka ku ddirisa ly’abaana mwe baali beebase, era yamala ekiseera ng’ayimiridde kyokka yabaguka omulundi gumu n’atomera ekisenge kyonna ne kigwamu n’oluvannyuma nasimbula n’adduka kwe kukuba enduulu eyasomboola ekyalo okusobola okutaasa abaana bange.

Nga wayise ekiseera nga maze okugenda yakubira muliraanwa waffe n’amutegeeza nga bwe kikyali ekituuza era ng’essaawa yonna ajja kunzita n’abaana kuba yankoowa dda era nga kye yakola takyejjusa nako. Bannange sigenda kulinda musajja kuzitira mu nju n’abaana bange kazire ewaffe.

More From The Author

Emboozi z’omuwandiisi endala

Emboozi endala

Dokita ng'agema omwana polio.

Polio taggwangayo - Dokita

GAVUMENTI erabudde Bannayuganda ku bulwadde bwa polio ne balagirwa obutabugayaalirira bayongere okutwala abaana...

Ababbi kkamera be yakutte nga banyaga edduuka e Bunnamwaya.

Kkamera zikutte ababbi nga ...

ABABBI balumbye edduuka ly’ebizimbisibwa e Bunnamwaya ne banyaga ebintu nga tebamanyi nti kkamera ezaabadde munda...

Abatuuze nga bali mu lukiiko.

Batabukidde omusamize mu lu...

ABATUUZE b’e Jjokolera mu ggombolola y’e Nangabo mu disitulikiti y’e Wakiso balumirizza omusamize okubateega n’abawamba...

Ssaabasumba Lwanga n'omumyuka wa Pulezidenti, Edward Kiwanuka Ssekandi.

Abaserikale musse ekitiibwa...

SSAABASUMBA w’Essaza Ekkulu erya Kampala, Dr. Cyprian Kizito Lwanga asabye abakuumaddembe okuyisa obulungi Bannayuganda...