TOP
  • Home
  • Ssenga
  • Eyabbanga ssente z'akabokisi n'aziteeka mu zzaala anziruseeko

Eyabbanga ssente z'akabokisi n'aziteeka mu zzaala anziruseeko

Added 4th July 2019

MU bulamu buno ofanga tofumbiddwa musajja azannya zzaala kuba naawe ayinza okukuteekayo ng’omusingo ssinga ssente z’akapapula zimubula. Nze Agnes Nayiti, 40, nga mbeera Bwaise 1 Zooni e Kyebando.

Twasisinkana ne baze  mu 2003 e Jinja nga mpeereza mmere mu kawooteeri.

Omukwano gwaffe gwatandikira mu ggiya era n'ansuubiza ensi n'eggulu okwali n'okukola obufumbo obutukuvu oluvannyuma lw'okwanjula.

Yapangisa omuzigo e Bugembe mu Jinja era mwetwatandikira amapenzi gaffe.

Twazaala n'abaana bana wabula oluvannyuma omulimu gwa baze gwaggwaawo olwo nga buli kimu kizze ku nze.

Nasalawo nzije e Kampala nnoonye ku mirimu egiyingiza ku ssente eziwerako olwo baze ne mmuleka mu kyalo n'abaana ng'akola ogw'okulima.

Natuukira mu katale ka Bivamuntuuyo ku Kaleerwe ne ntandika okusuubula obummonde, ssente nga nzifuna bulungi era  nga bwe nziweereza mu kyalo okuweerera abaana  endala ne nziwa baze abeeko bizinensi gy'atandikawo tugaziye ebyenfuna.

Oluvannyuma baze namusembeza mu kibuga tubeere ffenna era ne mmuwa ssente okutandika bizinensi y'okutunda amanda eyamukolera eenyo kuba ssente yazifunanga. 

Wabula yalaba ziweze kwe kutandika okuzannya  bbeetingi, ssente ne zigenda nga ziggwaawo mpolampola ne bizinensi n'ezikirira.

Bwe namubuuzanga ku by'okukola ng'adda mu kwebuzaabuza okutuusa lwe nnamuvaako ng'olumu bitandise n'okumuyombya.

Beetingi yatabula amaka gaffe bwe nakizuula nti yali atandise n'okuso-mola ssente z'akabo-kisi ze naterekanga.

Kino kyannyiiza nnyo kuba buli ssente ze naterekanga awaka ng'azibba ne ntuuka  okuddayo ku zeero kyokka bwe yalaba ankalizza nga ne KCCA etugobye mu butale n'anzirukako nga ndi lubuto lwa myezi ebiri. Kati ndi awo mu kwemagaza nga nsobeddwa ekiddako!  

More From The Author

Emboozi z’omuwandiisi endala

Emboozi endala

Fred Bamwine ng’akwasa Ndisaba ekitabo ky’ensonga z'e Mukono.

Ndisaba akwasiddwa ofiisi

Bya JOANITA NAKATTE                                                                                           ...

David Kabanda (ku ddyo) omubaka wa Kasambya, Haji Bashir Ssempa Lubega owa Munisipaali y’e Mubende ne Micheal Muhereza Ntambi, ssentebe wa disitulikiti y’e Mubende nga bawayaamu.

Abaalondeddwa ku bubaka mu ...

ABAAWANGUDDE ebifo by’ababaka ba palamenti ku kaadi ya NRM mu konsitityuwensi ez’enjawulo mu Disitulikiti y’e Mubende...

Matia Lwanga Bwanika owa Wakiso.

Ssentebe afunira mu nsako

Eyali Sipiika wa Jinja munisipaali oluvannyuma eyafuulibwa City, Moses Bizitu yategeezezza nti bassentebe ba disitulikiti...

Bakkansala ba Kampala nga bateesa mu City Hall gye buvuddeko.

Omusaala ogulindiridde aba ...

Bya MARGARET ZALWANGO OKULONDA kwa bassentebe ba Disitulikiti, bammeeya b'ebibuga (cities) ne bakkansala b'oku...

Omulabirizi Luwalira ng'asimba omuti.

Ekkanisa ne bwekwata omulir...

Omulabirizi w'e Namirembe, Rt. Rev. Wilberforce Kityo Luwalira agumizza Abakristaayo nti wadde sitaani asiikudde...