TOP

Muwala wange baamuloga?

Added 12th August 2019

Muwala wange wa myaka 24, naye talina bulamu era talina musajja, tava waka. Olowooza baamukoga?

Nnina muwala wange alina emyaka 24, naye bwe nnamutwalako ewa kitaawe nga wa myaka 18, yakyuka mu mbeera. Ekisooka yali asoma bulungi naye okusoma ne kufa era kati asoma kkoosi. Ekirala talina bulamu kubanga talina musajja era tava waka. Ssenga omwana wange tebaamuloga?

Okusookera ddala, abazadde abakyala mbasaba mugezeeko okubeera n'abaana bammwe. Ennaku zino kizibu okusanga omukyala asobola okulabirira omwana wa muggya we. Abakyala abasinga tebalina budde kulabirira abaana abaabwe. Kati ate ggwe bw'omuteekako obuzibu obw'omwana atali wuwe.

N'ekirala omwana omukulu tabeera mwangu ate oluusi n'omukyala ayinza okumuteekako akazito kubanga amulaba nga muggya we. Kati simanyi lwaki watwala omwana ono ng'akuze. 

Bamaama abo abatazaala baana abasinga ennaku zino bazibu. Omwana omukulu ng'oyo ayinza  'okumutta' ng'akozesa ebigambo ebisongovu nga 'Oli musiru, tolina ky'ogenda kubeera,olina ekisiraani, ne by'okola otya era togenda kuvaamu' n'ebirala ebiringa ebyo.

 Ebigambo ng'ebyo binafuya omuntu yenna okuggyako omuntu oyo bw'abeera ng'alina omutima omugumu ddala. 

Omwana bw'akulira mu mbeera eyo ate nga n'amugambako si y'amuzaala olaba nga buzibu bwa maanyi ate taata w'omwana ssinga naye ayongereza okwo omwana n'afiira ddala. 

Olina okukimanya nti n'abakyala balina engeri gye banafuya abasajja oba abaami kubanga tebabeera waka.

Omukyala n'ayogera buli kibi ky'alaba ku mwana ate omwami naye olw'okuba tebeera waka, naye n'akitwala era ekivamau  kuvuma mwana.

Okusoma obulungi kulina okufa olw'ebigambo. Obutabeera na musajja ku myaka gy'alina sikiraba ng'ensonga kubanga ennaku zino abawala bangi abatalina basajja kubanga abasajja batono.

Sigaanyi n'abasajja abasobola okufuna obuzibu okukwana omuwala ng'ono kubanga abeera n'emigugu gy'asitudde era weesanga ng'abeera mukambwe tayagala kwesembereza abantu.

Kale omusajja oba omuvubuka n'amwewala. Bw'oba olaba ng'omwana wo yakyuka kiba kirungi n'ofuna abudaabuda abantu n'ayogera naye n'amanya lwaki ali mu mbeera eyo. Naye ndowooza nti muggya wo ye yamunafuya obwongo.

More From The Author

Emboozi z’omuwandiisi endala

Emboozi endala

Ab'e Kawempe balaajanye ku ...

okulaajana kuno baakukoze oluvannyuma lwa Ahmed Lukwago eyeegwanyiza ekifo ky’obwa kkansala bw’omuluka guno okukulemberamu...

Wakayima atangaazizza ku mp...

"Nze Wakayima Musoke Hannington Nsereko era abo abatidde akalulu bakkakkane kuba ffirimbi yavugga dda Kati tulinze...

Ennyumba y'oku kiggya abamu ku b'Engabi gye baagala Yiga aziikibwe. Ebifaananyi bya JOHN BOSCO MULYOWA

Abengabi beeyawuddemu ku by...

ABAKADDE b’ekkanisa ya Pasita Abizzaayo Yiga eggulo baatudde mu lukiiko olw’amangu olw’enkaayana ezaabaluseewo...

Paasita Bujjingo ng'agumya Jengo, mutabani w'omusumba Yiga

Ebiri mu katambi ka Paasita...

Ku Ssande nga October 25, 2020, Ssenyonga yasinziira mu kusaba mu kkanisa ye n’alumba abasumba ab’enjawulo omwali...

Paasita Ssennyonga ng'agugumbula Yiga mu lukung'aana lwa bannamawulire lwe yatuuzizza ku kkansisa ye

Okufa kwa Yiga kusajjudde e...

AKATAMBI Pasita Ssenyonga ke yakutte nga Yiga tannafa kongedde okusiikuula abasumba ne beetemamu ng’abamu boogerera...