TOP

Gwe nnayingira naye omwaka yanziba

Added 11th January 2020

OMUWALA gwe nnafuna nga mulabye nga malayika ne mmulekanga ajje akyale ewange ne ntuuka n’okumulekanga mu nnyumba yakinkola.

Nze Henry Ssettuba, mbeera Nateete. Nnafuna omuwala nga mulungi lwondo era nange nnayagala ntandike omwaka omuggya 2020 nga nnina anfumbira olwo nange omwaka nguyingire n'ekyenjawulo naye kyanzigwako.

Okuleka omuwala ono mu nnyumba nnali mwesize ebitagambika kubanga yali yeegonza nga ndowooza nfunye omuntu omutuufu kumbe ngudde ku musege.

Okumanya omuwala ono yali muyaaye, buli kye namugambanga ng'akitwala nga kikulu era nga tankaayanya. Nali simanyi nti yali yeenoonyeza bibye ng'anoonya luwenda kutuukiriza biruubirirwa bye.

Olumu yajja n'amalawo wiiki bbiri n'agenda nga talina kintu kyange na kimu ky'atutte ekintu ekyayongera okunkakasa nti omuwala ono mwesimbu era agwanira awaka.

Ekyanneewuunyisa ye muwala ono okudda ate mu kifo kye yandibadde akuuma obuntubulamu yanziba bubbi ebintu byange omwali omufaliso n'engoye ate n'amala n'akola eky'obujoozi n'ankubira essimu n'ahhamba nti ye agenze.

Kino kyansigala kimbobbya omutwe nga simanyi na waakutandikira kubanga n'ewaabwe nnali simanyiiyo okuggyako okuwulira nti bamuzaala Kiboga.

Okuva omuwala oyo lwe yanziba, mpulirira ddala ekizibu okuddamu okwemanyiiza abawala b'e Kampala ate naddala nga simanyi gye bamuzaala kubanga eyanziba yandaga essomo.

More From The Author

Emboozi z’omuwandiisi endala

Emboozi endala

Sheikh Mulindwa ng'asaaza Idd e Luweero.

'Gavumenti eyalayidde erwan...

Sheikh Mulindwa ku muzigiti gw'e Kasana Luweero. Ba Samuel Kanyike           DISITULIKITI Khadi wa Luweero,...

Lubega akulembedde ne Amatos ku kkooti e Makindye.

Abaali bafera paasita basin...

ABASUUBUZI b'omu Kampala basindikiddwa mu kkomera lwa kugezaako kufera Paasita ssente ezikunukkiriza mu buwumbi...

Spice Diana asiibuludde aba...

Bya Mukasa Lawrence  ABAYIMBI okuli Spice Diana ne munne Fik Femaika bavuddeyo ne baduukirira abasiraamu ku...

Abakozi ba Rock bavudde mu ...

Bya Phoebe Nabagereka Abakozi mu kampuni ya Roko e Gerenge mu town council ye Katabi bekalakasiza nga balaga...

FDC evumiridde effujjo erik...

Bya Doreen Namaggala AMYUKA ssabawandiisi w'ekibiina ki FDC, Arnold Kaija asabye bannayuganda okukomya okutiisatiisa...