TOP

Nkole ntya okwefunza?

Added 15th January 2020

Ssenga nina ekizibu, obukyala bwange bugazi nnyo naye nkozesezza buli ddagala naye siraba njawulo. Abantu bahhamba nti nina okulaba omusawo bannongoose. Ntya okunnongoosa naye n’amaka gafa. Omwami wange agezaako naye olaba ng’oluusi bigaana. Nkole ntya ku nsonga eno?

Ssenga nina ekizibu, obukyala bwange bugazi nnyo naye nkozesezza buli ddagala naye siraba njawulo.

Abantu bang'amba nti nina okulaba omusawo bannongoose. Ntya okunnongoosa naye n'amaka gafa. Omwami wange agezaako naye olaba ng'oluusi bigaana. Nkole ntya ku nsonga eno?
 
WADDE abantu bangi bagamba nti basobola okufunza obukyala naye kino tekisoboka naddala bwe kuba ng'okugaziwa kwava mu kuyulika ng'ozaala ate ne batakutunga bulungi.

Okufunza okusoboka kwekwo ng'ogaziyeemu katono naye si kuyulika. Kituufu balina kukutunga so si kukulongoosa nga bwe bakugamba.

Era kibeera nga bwe bakusannyalaza ng'ozadde basobole okukutunga. Tebakusannyalaza wenna, wabula ekitundu ekyo kyokka kye bagenda okutunga. Kale totya nti bya kulongoosa, wabula basannyalaza awo wokka.

N'ekirala, ndowooza omanyi lwaki wafuna embeera eno. Bw'ozaalira awaka kyangu okufuna ekizibu nga kino n'ekirala singa tonywa ddagala ng'oli lubuto kubanga mu kunywa eddagala abasawo bakubuulira oba tosobola kusindika mwana nga munene nga balina kukulongoosa. Kati bw'osindika omwana nga munene asobola okukuyuza.

Ate oluusi omwana abeera nga si munene naye mu kuzaala n'oyulika kati ne batakutunga omusawo n'akuleka bwatyo kubanga talina bisaanyizo bitunga.

Oluusi ayinza okukuyamba n'akugamba nti genda mu ddwaaliro eddene bakutunge ate oluusi asirika n'ogenda n'embeera eno omusajja y'akugamba oba gwe kennyini okwezuula ng'oli mugazi.

Genda mu ddwaaliro eddene ate olabe omusawo nga mukugu ku nsonga eno alina kubeera nga akola ku nsonga z'abakyala ezokuzaala (gynaecologist).
Nkubira essimu nkulagirire omusawo oba genda mu ddwaaliro eddene. Essimu yange eri 0772458823.

More From The Author

Emboozi z’omuwandiisi endala

Emboozi endala

Embiranye ku kifo ky'obwap...

OKUNOONYEREZA okukoleddwa Vision Group kuzudde nti okuvuganya mu bitundu bya Uganda kusinga mu Buganda, wakati...

Hosyn Kiiza oluusi eyeeyita Farouk asindikiddwa mu kkomera e Kitalya

Farouk bba wa Julie Underwo...

BBA wa munnakatemba Julie Underwood azannya nga Sharon mu ba Ebonies, Hosyn Kiiza oluusi eyeeyita Farouk asindikiddwa...

Isima Mutagaya

Owa Mobile Money asindikidd...

KKOOTI ya Buganda Road esindise omukozi wa Mobile money mu kkomera e Kitalya nga kigambibwa nti yabba ssente obukadde...

Kasasa

Kkooti egobye okusaba kw'ab...

KKOOTI Enkulu ey’ebyettaka egobye okusaba kw’abaana ba Sekabaka Muteesa mwe babadde baagalira okubakkiriza okujulira...

Pte Asiimwe (ku kkono), Pte Mugabi, 2Lt Kasmula ne 2Lt Ankunda mu kaguli ka kkooti gye baavunaaniddwa n’abaserikale ba poliisi e Makindye.

Boofiisa basimbiddwa mu kko...

BOOFIISA ba poliisi basimbiddwa mu kkooti y’amagye ne bavunaanibwa okusomola ebyama bya Gavumenti ne babigabira...