TOP

Lwaki teweesonyiwa essimu ya balo?

Added 24th March 2020

OMWAMI waffe yaηηambye nti tova mu ssimu ye. Otandise n‛okukubira mukamawe ng‛omugamba nti ayagala omwami waffe.

OMWAMI waffe yaηηambye nti tova mu ssimu ye. Otandise n‛okukubira mukamawe ng‛omugamba nti ayagala omwami waffe.

 

Era kati agambye nti essimu agenda kugiteekamu ‘pass word‛ era tokitwala bubi naye olw‛embeera zo kubanga yaswadde ewa mukama we.

N‛ekirala ne mwannyina naye wamuvuma jjuuzi nga tokimanyi kubanga erinnya yateekamu ‘Baby wange‛.

Ate ng‛erinnya eryo ffenna tulimanyi bulungi nti omwami waffe ly‛ayita mwannyina. Kati mwana wange okwo Owa laavu ejjira ku kkiisi Coronavirus atuuse okukulemesa! kubeera kumanyiira.

Nga ggwe bw‛otoyagala kukwata ku ssimu yo era n‛essimu y‛omusajja gyesonyiwe.

Olaba bw‛omuswaza ng‛oyogera ne mukamawe ng‛omuvuma nga bw‛ayagala omwamiwo! N‛ekirala era n‛oyomba ne mwannyina ng‛omuvuma nga bw‛ayagala omwami wo! Mwana wange ekigambo ssimu giveeko era mutuufu ddala okukugamba nti agenda kuteekamu ‘password‛ nga tosobola kumanya bamukubira era yadde gwe okukuba essimu ye.

Oba omwami waffe yakuwa ‘pass word‛ y‛essimu ye ng‛osobola okugikozesa ng‛oyagala ssente, nze ndowooza kino yakikola ng‛amanyi nti tolina kizibu ky‛ogenda kusanga era omwesiga.

Naye ate bw‛akugamba ebirala ate n‛otandika okunonooza okulaba ani akubye ate naawe n‛omukubira ate ng‛oyomba nze ndowooza nti wakola bubi ddala.

Nkimanyi era abakyala bangi banonooza amasimu g‛abasajja naye ate bw‛olaba omusajja ng‛akuwadde omukisa ng‛ogwo ng‛omanya nti teri kyakola kibi ku ssimu eyo.

Era bw‛aba akikola alina engeri gy‛akikola gwe oleme kumanya.

N‛ekirala mwana wange ng‛omusajja ayagadde kwenda ggwe ng‛omukyala tosobola kumugaana.

Ne bw‛ovuma abakyala b‛olowooza nti abaagala ggwe omukyala ggwe oswala. Ate oba gwe mukyala ali awaka era olina okweyisa ng‛omukyala w‛aka.

Abakyala abafumbo tebayomba ku nsonga ng‛ezo ate nga si ntuufu.

Tolina kufaanana ate bakyala abalala olina kweyisa ng‛omufumbo. Mwana wange essimu giveeko totuswaza ku mulimu gwa balo era naffe abakuzaala.

Olina okwetondera mulamuwo simanyi bw‛oneetondera mukamawe naye nsuubira nti omwami waffe ekyo yakikola.

Beera omukyala omufumbo.

More From The Author

Emboozi z’omuwandiisi endala

Emboozi endala

Spoon X Lounge bataddewo amaduuka

Corona anyize ab'ebbaala ne...

Eyo y'embeera ekirwadde kya corona we kituusizza bannannyini bifo ebisanyukirwamu naddala ebbaala. Oluvannyuma...

Omukazi yabuuka n'eyavaako ...

ABAKAZI abasinga tebalina bugumiikiriza! Maama w’abaana bange bwe bansiba mu kkomera e Luzira nagenda okuvaayo...

Pogba owa ManU (ku kkono) ne Zaha owa Palace baddamu leero okusisinkana.

ManU tetidde Crystal Palace

LEERO (lwamukaaga) zaakudda okunywa batabani ba Ole Gunnar Solskjaer (aba ManU) bwe banaaba balwana okukakasa ensi...

Bashir Mutanda

Mbarara etutte Bashir Mutanda

MBARARA City FC eraze amaanyi bw’esitukidde mu abadde omuteebi wa SC Villa, Bashir Mutanda n’assa omukono ku ndagaano...

Kizza (ku ddyo) ng’akwasa Mayeku omujoozi gwa URA.

Tukooye ennyonta y'ebikopo ...

SSENTEBE wa URA FC, James Kizza agambye nti ennyonta y’ebikopo ebasusseeko nga sizoni eno baagala basitukire mu...