TOP
  • Home
  • Ssenga
  • Kabula kata embeera y'omuggalo okutwawula ne mukazi wange

Kabula kata embeera y'omuggalo okutwawula ne mukazi wange

Added 30th July 2020

OMUKWANO bwe gubulamu okukkaanya gubeera muzibu era kiba kizibu omukwano bwegutyo okuwangaala. Nze Abas Mwebe, mbeera Kabowa mu Lubaga. Bwe nnanoonya omukwano, omwagalwa namusanga wano mu Kampala wadde nga bamuzaala Ibanda.





Olw'okuba yali abeera ne bazadde be, namutokotera ebbanga okutuusa lwe nnamuwangula omutima era ne tubeera ffembi. Omuggalo gwagenda okubaawo nga mukyala wange yaakasumulukuka era nga nnakawere wa mwezi gumu.

Twasanga okusoomoozebwa kwa maanyi era n'atuuka n'ekiseera ne yeecanga ng'ayagala kugenda waabwe kyokka ng'entambula esibiddwa nga talina ngeri yonna gy'ayinza kutuukayo kuba wala.

Ekyannyamba mu kiseera kino be bantu b'ewaabwe abaamugumya asigale kubanga embeera yali yaakuggwawo ekiseera kyonna.

Ekirala kwe kuba nti nnali nakyala ewaabwe kale nga bammanyi bulungi era kyannyamba obutandekaawo. Ekirala mukyala wange namutuuza ne mubuulira embeera nga bwe yali etambula era ensonga n'agitegeera osanga nakyo kyamuwaliriza okusigala.

Nkubiriza abavubuka bonna okufuba okulaba nga bagenda mu bazadde b'abaagalwa baabwe ne bwe babeera nga tebalina nnyo kye batutte naye waakiri babamanye kubanga nze kyannyamba.

Oluusi kasita olindiriza okukyala ewaabwe w'omukazi oyinza okwekanga nga bikulemeredde.

More From The Author

Emboozi z’omuwandiisi endala

Emboozi endala

Dr. Mwebesa

Omuntu owa 5 afudde Corona

UGANDA efiiriddwa omuntu owookutaano, ekyongedde okweraliikiriza nti obulwadde bwa Corona bukyali bwa maanyi mu...

Olukiiko lwa NRM e Bukasa L...

WABADDEWO okusika omuguwa ku Ofiisi za NRM e Bukasa-Masozi mu Ggombolola y'e Bweyogerere mu Munisipaali y'e Kira...

Aba Takisi mu ppaaka y'oku ...

WABALUSEWO obutakanya mu ba takisi mu  ppaaka y'oku kaleerwe ekiwayi ekimu bwe kirumirizza nanyini ttaka kwe bakolera...

Nalweyiso ng'atottola obulamu bw'ekkomera

Gwe baakwatira mu Curfew ne...

OMUYIMBI  eyakwatibwa olw'okugyemeera ebiragiro bya pulezidenti oluvudde mu kkomera e Kigo nayiiya oluyimba lw'atumye...

Abaabadde batendekebwa okuyamba abakoseddwa mu mataba.

Ab'e Kasese abaakosebwa ama...

ABANTU b'e Kasese abaakosebwa amataba olw'omugga Nyamwamba okwabika bakyalaajanira gavumenti okubayamba waakiri...