TOP
  • Home
  • Ssenga
  • Omusiguze yakuba mukyala wange empi nga ndaba

Omusiguze yakuba mukyala wange empi nga ndaba

Added 9th October 2020

NG'OKIMANYI oli mufumbo tekiba kya buvunaanyizibwa kulagirira muganzi wo awaka. Oba tolina njawulo na mutemu.

Nze Vincent Ssennyange 45, mbeera Kanyanya. Naakamala emyaka 13 ne mukyala wange. Tulina abaana basatu. Mu kusooka yali muntumulamu ng'omwegombesa wabula okuva lwe yakwatagana n'ebikoosi by'abakazi yatandika okukyusa empisa awaka ne tutandika kufugawo babiri.

Yatandika okudda matumbibudde n'ankonkona muggulire nga bwe mmubuuza gy'ava mu kifo ky'okumbuulira addayo buzzi n'asulayo n'akomawo nkeera. Olw'okuba nnali saagala twawukane olw'abaana bange, yakola ensobi nnyingi ne neefuula atazirabye .

Wabula, ku ntandikwa ya March w'omwaka guno kyambuukako omusiguze bwe yakubira mukyala wange mu maaso gange ng'amulanga obutabeera waka (ewange).

Mukyala wange yajja ku saluuni we nkolera n'annindako ne tuddayo ffembi awaka. Mu kugenda yahhamba ayagala kugula chapatti ne nfuna we mmulindirako.

Aba yaakatambulako katono omusajja n'amukwata ku mukono n'atandika okumukuba empi nga bw'amubuuza lwaki tabeera waka. Bwe nagenda okutaasa maama w'abaana bange nange bankubiramu empi. Okumanya abasiguze bajooga, naye yahhamba ajja kunzita ssinga omukazi simwesonyiwa.

Natunuulira maama w'abaana bange nga bimukalidde ku matama. Ekyasinga okunneewuunyisa, omusiguze yali ammanyi era mukyala wange yamulaga ekifaananyi kyange n'omulimu gwe nkola n'obudde bwe nkomerawo awaka.

Tetugaanye okwagala kubaawo naye kino ekyantuukako nali sisoboola kuddamu kubeera na mukyala wange. Katonda yannyamba bwe twatuuka awaka nafuga obusungu.

Enkeera yasibamu ebibye n'agenda n'abaana. Nasigaza gwa kubawa buyambi naye mpulira ng'ebyomukwano byantama. Nsaba abasajja okutangira bakyala baabwe ebikoosi by'abakazi abatalina mulamwa kuba nkakasa bye byavaako mukyala wange okwonooneka.

More From The Author

Emboozi z’omuwandiisi endala

Emboozi endala

Lubega akulembedde ne Amatos ku kkooti e Makindye.

Abaali bafera paasita basin...

ABASUUBUZI b'omu Kampala basindikiddwa mu kkomera lwa kugezaako kufera Paasita ssente ezikunukkiriza mu buwumbi...

Spice Diana asiibuludde aba...

Bya Mukasa Lawrence  ABAYIMBI okuli Spice Diana ne munne Fik Femaika bavuddeyo ne baduukirira abasiraamu ku...

Abakozi ba Rock bavudde mu ...

Bya Phoebe Nabagereka Abakozi mu kampuni ya Roko e Gerenge mu town council ye Katabi bekalakasiza nga balaga...

FDC evumiridde effujjo erik...

Bya Doreen Namaggala AMYUKA ssabawandiisi w'ekibiina ki FDC, Arnold Kaija asabye bannayuganda okukomya okutiisatiisa...

Abazigu balumbye ekigo ne b...

Abazigu ababadde n'ebijambiya, emitayimbwa saako ennyondo bazinze ekigo kya Kabulamuliro Catholic Parish, ne bamenya...