Omuyimbi Phina Mugerwa Masannyalaze akiggadde bw'ayanjudde Omuzungu we e Kawaala

Bya Stuart Yiga

Omuyimbi Josephine Nakalungi amanyiddwa nga Phina Mugerwa Masannyalaze ayanjulidde bazadde be omusajja Omuzungu gw'alonze mu bangi.

Mwanamuwala ono mubonzi w'ekiwato ekiringa enje eyeeyita Shakira wa Uganda y'alaze amaanyi.

Bino bibadde mu maka ga bakaddde be e Kawaala, mu Divisoni y'e Lubaga, mu Kampala.

Roger Fish, yayanjuddwa Phinah Mugerwa era yeeyamye okumwagala okuva lwe baasisinkana n'okutuusa kati.

Phina Ng'awuubira Ku Bantu Be

Ebikonge okuva mu Bwakabaka bwa Buganda ne gavumenti eya wakati byetabye ku mukolo ogubaddeko obukuumi obw’amaanyi era ataayitiddwa takkiriziddwa ku mukolo.

Phina Ng'alaga Abantu Omuzungu We

Phina N'omuzungu We Ng'essanyu Lijula Okubatta

Kasujja omukulu w'Ekika ky'Engeye n'ow'Engo Muteesaasira, omukolo guno bagwetabyeko, Genero Elly Kayanja, Faaza Kiibi, Maama Fiina, Ssentebe wa NRM mu Buganda, Godfrey Kiwanda Suubi, n'omuwandiisi wa Pulezidenti ow'ekyama Caroline Kembabazi eyakazibwako erya 'Chief Muzzukulu'.

Poliisi n'amagye bye bikoze ku byokwerinda.

Ku ludda lw'abayimbi Naava Grey, Irene Namatovu, ne Nandujja be babaddewo ng'abajulizi nga munnaabwe yeewangulira ekkula ky'obufumbo.

Omukolo gukyagenda mu maaso.