Abantu babiri bafiiridde mu bubenje obwenjawulo obugudde e Kisoro

Abantu babiri bafiiridde mu bubenje obwenjawulo obugudde e Kisoro n'omulala omu n'aweebwa ekitanda ng'ali mu mbeera mbi. 

Akabenje akasoose, kabadde ku luguudo lwa Mutolere hospital Rd, pikipiki okuli nnamba UMA 623HL Bajaj bw'etomereganye n'endala Yamaha nnamba UDY 197D.

Omuvuzi wa Bajaj, Justus Rukundo 30 ow'e Kagotogoro mu muluka gw'e Ura mu Ggobolola y'e Kanaba e Kisoro, n'afiirawo ate ye Martine Hakizimana n'atuusibwako ebisago ebiwerako. 

Akabenje kabaddewo ku ssaawa mukaaga n'ekitundu ekiro era nga Hakizimana ali mu Mutolere Hospital gy'afunira obujanjabi. 

Ate e Shozi ku luguudo lwa Kabale - Kisoro, wabaddewo akabenje mmotoka etannategeerekeka, bw'etomedde omusajja abadde ku bigere n'emuttirawo nga mu kiseera kino, omulambo guli mu ggwanika ly'eddwaaliro e Kisoro, okusinziira ku Elly Maate, omwogezi wa poliisi mu Kigezi