TOP

Engoye eziyisa empewo nzettanira

Added 10th August 2019

SHANITA Nalika y’omu ku bawala abatambula n’omulembere. Yayogedde ne JOANITA NANGONZI n’amubuulira ebintu eby’enjawulo by’akola n’alabika bulungi.

 Engoye eziyisa empewo nzettanira

Engoye eziyisa empewo nzettanira

"Ensangi zino abawala bettanidde nnyo okwambala engoye ez'obutimba eziri ku mulembe mu misono egy'enjawulo, omuli ebiteeteeyi ne bbulawuzi era nga zifulumira mu langi ez'enjawulo.

Engoye zino abawala abacakaze be basinze okuzettanira era batera kuzambalira mu bifo ebisanyukirwamu.

Njagala nnyo engoye ez'obutimba kuba zimpa emirembe era zinnyumira.

Ekirala, bwe nzambala mpulira nga mba nnyumye nnyo okusinga abantu abalala era ne bwe ntambula mu kkubo mba nneenyumiriza mu nnyambala yange.

Engoye zino nzambalira ku ngatto ez'akakondo akawanvu bwemba nga ηηenda ku mikolo wabula mu biseera byange ebyeddembe, nnyambalirako engatto ennyimpi.

Sirina kifo kya nkalakkalira we nzigula, wabula wensanze olunnyumidde nga ndugula. Ebirala ebimukuumira ku mulembe mulimu; FFIGA Nfaayo nnyo okukuuma ffi ga yange obutagejja era nfuba okukola dduyiro mu wiiki omulundi gumu.

Ate n'omulimu gwe nkola oluusi gunneetaagisa okuzina, ekinnyamba okubeera ffiiti.

OLUSUSU

Luno ndulabira bulungi okusobola okulukuuma nga lunyirira era neewala okwesiiga buli kika kya bizigo. Nkozesa Fair&Lovely Lemon Lotion.

Ng'oggyeeko Lotion gye nkozesa, neewala okutambulira mu kasana okusobola okukuuma olususu lwange ate era nnywa nnyo amazzi.

Meekaapu mwesiiga ng'agenda ku siteegi ne ku mikolo era neewala okumusuza mu ffeesi yange okwewala okwonoona olususu lwange.

ENVIIRI

Njagala nnyo okusiba wiivu empanvu nga zirimu langi ez'enjawulo era ηηenda buli luvannyuma lwa wiiki bbiri mu saluuni ne nkyusa enviiri.

ENGATTO

Engatto nnyambala ez'akatondo akawanvu bwemba mu biteeteeyi ebyobutimba, wabula n'ennyimpi nzambala nga nsinziira ku musono gwennyambadde n'ekifo gye ηηenda. Nzigula 50,000/-.

ENJALA

Enjala zange nzifaako nnyo kubanga kye kimu ku byongera okulabisa omukyala obulungi era ebimufuula ow'omulembe.

Nfuba okulaba ng'enjala zirabika bulungi era nzikolako buli wiikendi, nga nsasula 20,000/-.

EBYOKWEWUNDA

Ebyokwewunda nabyo mbyambala okusobola okwongera okulabika obulungi era nnyambala nnyo ebikomo n'eby'omu bulago awamu n'essaawa.

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....