Amasannyalaze gamusse n'aleka omwana wa myezi ebiri

ABATUUZE  be Luzira mu Mambobado  zooni  baguddemu ekikangabwa oluvannyuma lw’amasannyalaze okukuba mutuuze munnaabwe  ne gamuttirawo n’aleka omwana ow’emyezi ebiri

Afudde ye  Joan Nakayenga  22  nga abadde mutuuze mu kitundu kino okumala ebbanga nga kigambibwa nti okukubwa amasannyalaze abadde oyoza ngoye n’oluvannyuma n’akwata ku mulongooti okutereza ttivi gy’abaddealaba nga wano amasannyalaze wegamukubidde.

Henry Wasswa Seguya nga ono muliraanwa w’omugenzi era nga abadde omu ku baduukirize  abasoseewo ategezezza nti abadde aludde ebbanga nga akola ne Nakakayenga mu kuwawula embaawo  era nga abadde amaze akabanga nga taliiwo nga yagenda mu luwummula oluvannyuma lw’okuzaala omwana.

Ni 2(10)

Ategezezza  nti yakedde ku makya ku lw’okutaano n’asanga Nakayenga nga asitudde ebidomola bibiri eby’amazzi n’amubuuza ekimukeezezza nga wano weyamutegeerezza nga bw’abadde alina emirimu emingi egy’okukola nga muno mwemubadde n’okwoza   engoye.

Wasswa  agamba  nti  yamugambye alindeko enkuba etonnye afune amazzi  n’amutegeeza nga bw’agenda okukozesa aga taapu.

Ayongeddeko nti oluvannyuma nga ziwera  ssaawa nga taano nga Nakayenga ali mu kwoza nga wano amayengo ga ttivi wegataataaganidde n’agenda agitereeze. Bw’abadde agitereeza wwaya y’omulongooti egudde wansi  nga wano w’agirinnyiddeko nga ali mu bigere amasannyalaze negamukuba.

Ni 2(10)

Ategezezza nti bino byonna webibeereddewo nga  Nakayenga aliwo n’abaana era wano omwami we Joshua Kyalimpa w’atuukidde n’akuba enduulu esombodde abatuuze era bagenze okumutuukako nga agudde wansi  nebamuyolayoola nebamuddusa mu ddwaliro lya Mother’s Clinic nga wano babagambye bamutwale e Naggulu.

Abatuuze balabye nga okumutuusa e Naggulu kiyinza obutasoboka olw’olugendo oluliro nebamuddusa ku lya Cipriano nga eno gyebabategeerezza nti abadde yafudde dda olwo nabo kwekumuzaayo awaka.

Fatumah Naigaga Kansala omukyala atwala omuluka gwa Luzira yenyamidde olw’embeera  y’ekikangabwa egudde mu kitundu kyabwe wabula n’alabula  abantu okubeera abegendereza nga bakozesa amasannyalaze kubanga ga bulabe  nnyo.

Ni 8(3)

Awanjagidde abavunaanyizibwa ku kuteeka amasannyalaze mu mayumba g’abantu kubanga okufaayo ennyo nga bakola emirimnu gyabwe kubanga  amasannyalaxze gasaana kwegendereza nnyo.

Peter Muyombya kansala wa Luzira 1 ategezezza nga  Nakayenga bw’abadde omutuuze omulungi mu kitundu kyabwe nga abawa esuubi  nga akola bulungi emirimu gye era nga bamwenyumirizaamu nnyo.

Muyombya  asabye abantu okwekuuma ennyo amasannyalaze wamu n’okugatangira abaana babwe kubanga ga bulabe nnyo.