AGABUUTIKIDDE FULL BULLETIN

Sep 12, 2023

Omukutuvu Paapa Francis asaasidde abantu b’e Morocco abaakoseddwa Musisi eyayise mu ggwanga eryo n’atta abantu abasoba mu 2000. Mu kiseera kino abadduukirize bakyayiikula amafunfugu okuggyayo emirambo naabo abakyalimu obulamu //////////////////////////////////////////////////////////////////////////////////// Pulezidenti Yoweri Museveni afulumizza abajaasi 295 ababadde mu kutendekebwa ku ttendekero lya Uganda Military ACADEMY e Kabamba e Mubende. Pulezidenti bwatyo abalabudde ku kati ak’okumala gakozesa emikutu emigattabantu. ////////////////////////////////////////////////////////////////////////////////////////// Poliisi, amagye ne URA baliko abantu 4 be bakutte bebateeberezza okwenyigira mu kubba amafuta. Bano babasanze bagabba mu mmotoka nga baddereva b’emmotoka zino bbo badduse. Bino bibadde Kazo e Nabweru /////////////////////////////////////////////////////////////////////////////////////////// Abakulembeze b’ekibuga eky’e Entebbe bamenye ekikomera kya Paasita Aaron Mutebi kye bagamba nti yakizimbye mu luguudo. Bagamba nti Pasita Mutebi yafuna ettaka lino oluvannyuma n’atandika okuzimba ng abwe baamusaba ebipimo n’abigaanira //////////////////////////////////////////////////////////////////////////////////////// Gavumenti etongozza olukomera lw’amasannyalaze g’amaanyi g’enjuba oluzimbiddwa ku kkuumiro ly’ebisolo erya Queen Elizabeth. Ekitundu ekitongozeddwa kiri mu disitulikiti ey’e Kitagwenda. \\\\\\\\\\\\\\\\\\\\\\\\\\\\\\\\\\\\\\\\\\ Omulabirizi w’e Namirembe Wilberforce Kityo Luwalira alaze obwenyamivu olw'omuwendo gw'abasibwako emikono n'okubatizibwa enkya n'eggulo obutalabika mu kkanisa. Agamba nti ekizibu kiva ku bantu obutabeera banywevu mu ddiini okuva eri abayima n’abazadde baabwe basabye okweddako. Abyogeredde Komamboga. \\\\\\\\\\\\\\\\\\\\\\\\\\\\\\\\\\\\\\\\\\\ Minisita w’eby’amawulire n’okulungamya eggwanga Dr Chris Baryomunsi akuutidde bannayuganda okujjumbira okulambula eggwanga lyabwe nga yemu ku ngeri gyebajja okusobola okwagazisa ab’ebweru okujja kuno. Abyogeredde mu kutikkira nnalulungi w’obulambuzi omwaka 2023 omukolo ogubadde k uku Serena