AGABUUTIKIDDE FULL BULLETIN

Landiroodi anyiize n’agoba essomero mu bizimbe bye olwa gavumenti okulemererwa okumusasula obukadde 900 zeyalibaguza. Mu kiseera kino abayizi basomera mu weema. Bino biri ku kyalo Kigezi e Maddu Ggomba. ///////////////////////////////////////////////////////////////////////////////////////// Ab’akakiiko akalwanirira eddembe ly’obuntu bafulumizza alipoota ku bawagizi b’ekibiina kya NUP 30 abagambibwa okuba nga baawambibwa.Bagobye fayiro eno nga bagamba nti erimu obulimba songa ne David Lubongoya eyassaayo okwemulugunya yafuuka musu gw’e Kanyanya. ///////////////////////////////////////////////////////////////////////////////////////////// Nabbambula w,omuliro asanyizaawo ekisulo ky,abayizi abawala ku ssomero lya Masaka Sec school mu kibuga Masaka ng,ebintu by’abayizi byonna bisirisse. ///////////////////////////////////////////////////////////////////////////////////////////// Ab’ekiwayi kye Katonga nga bakulembeddwamu Loodi Meeya Erias Lukwago basekeredde abakulembeze ba FDC abaalondebwa ku lwookutaano nti baafuna byoya bya nswa. Lukwago ategeezezza nti ensala y’omulamuzi Musa Ssekaana bano tebawa buyinza kutegeka kulonda ng abwe baakola. ///////////////////////////////////////////////////////////////////////////////////////////// Abakozi mu Kkampuni ya Wefunire Driving School batunudde ekiwekete Baddereeva ba Taxi n’aba Bodaboda bwebazinzeko ekitebe kyabwe e Ntinda ne bekalakaasa nga babalumiriza okubajjako Ssente zaabwe kyokka ne batabawa Driving Permit zaabwe. ///////////////////////////////////////////////////////////////////////////////////////////// Ab'oludda oluwabula gavumenti bekandazze ne bafuluma palament nga balaga obutali bumativu ku ngeri abakuuma ddembe gye basusse okutulugunyamu abawagizi baabwe. bagamba nti ekyasembyeyo okweyoleka ye ngeri bannakibiina Kya National Unity platform (NUP) gyebakwatiddwamu eggulo bwebabadde bategese okusaba ku kitebe kye kibiina kyabwe e Kamwokya. ///////////////////////////////////////////////////////////////////////////////////////////// Abantu abasoba mu 4000 abaagobwa mu nsi ya Tanzania baddukidde mu kkooti y’obuvanjuba bwa Afirika nga bagala bafune obwenkanya ku bintu byabwe gavumenti eyo bye yabalessa. Baagobwa wakati wa 2000 ne 2006 ku biragiro by’eyali Pulezidenti w’eggwanga eryo Jakaya Kikwete ng’agamba nti baali bagwiira. ///////////////////////////////////////////////////////////////////////////////////////////// Minisita w’ebyenjigiriza eby’amatendekero aga waggulu Dr.JC Muyingo alabudde abakulira amatendekero g’abasawo mu ggwanga okukomya okukozesa emmotoka ezibaweebwa gavumenti okukola ku matendekero kyokka ne bazivugiramu amatooke. ///////////////////////////////////////////////////////////////////////////////////////////// Abaafuna ssente z’emyooga e Katakwi baweereddwa emyezi essatu okuba nga bazizza ssente zonna ezabaweebwa. Byogeddwa minisita omubeezi owa Micro Finance Hajji Haruna Kyeyune Kasolo mu kaweefube gwabaddeko mu kunnyikiza ensimbi z’emyooga e Katakwi nga yayitibwa omumyuka wa pulezidenti Jessica Alupo. ///////////////////////////////////////////////////////////////////////////////////////////// Omusumba w'e Masaka Serverus Jjumba asabye bannayuganda obutaggwamu ssuubi nti kuba ameefuga ag'emyaka 61 kabonero akenkukunala akalaga nti eggwanga lisajjakudde. Agamba nti wadde liyise mu bingi bannayuganda tusaanye okwebaza Katonda.

AGABUUTIKIDDE FULL BULLETIN