AGABUUTIKIDDE FULL BULLETIN

Nov 05, 2023

Kyaddaaki ab’ekibiina kya NUP bagguddewo wofiisi zekibiina kyabwe mu butongole nga zino ziri Makerere Kavule. Kidiridde poliisi okubalemesa olunaku olw’eggulo nga kyavudde ku bbaluwa ya RCC Yasin Ndidde gyeyabawandiikira ng’abalagira okwongezaayo enteekateeka kuba Pulezidenti Museveni yabadde mu kitundu ekyo. Mu kuggulawo wofiisi zino akulira NUP Robert Kyagulanyi Ssentamu asabye ebibiina okwegatta basobole okutuuka ku buwanguzi //////////////////////////////////////////////////////////////////// Abasuubuzi b’omuceere mu kibiina ki Kampala Rice Traders Association bakukkulumidde ab’ekitongole kya URA ku ngeri gyekuttemu ensonga y’okukebera omuceere gwe basuubula okuva e Tanzania. Kiddiridde okukwata loole ezisoba mu 200 e Mutukula nga balumiriza nti omuceere guno gutabikibwamu oguva e Pakistan. Kyokka URA etadde emmotoka zino oluvannyuma lw’okukkaanya. \\\\\\\\\\\\\\\\\\\\\\\\\\\\\\\\\\\ Government etegeezezza nti ssi yaakulonzalonza kuggalira basomesa n’abakulira amasomero abalemesa abayizi okukola ebigezo byakamalirizo olw’ebisale. Bino webigyide nga akulira esomero Lya Kisugu yagalidwa olunaku lwegulo lwakugaana bayizi 6 kutuula bigezo. /////////////////////////////////////////////////////////////////// Omulabirizi asookedde ddala owa East Busoga waakutuuzibwa nga 19 omwezi guno era woolabira bino ng’eteekateeka zigendera ddala mu maaso. Kati akakiiko akateesiteesi kanoonya obukadde 450 ezeetagibwa okutegeka omukolo guno. Babitegeezezza bannamawulire mu Kampala. //////////////////////////////////////////////////////////////////// Kooti enkulu ye Kiboga etandise kuwuliriza obujulizi ku musango abatuuze ku kyalo Kyamutete mu ggombolola ye Kyankwazi gwewawabila abakungu okuva mu kitongole kya National Forestry Authority kwonoona ebirime byabwe ne nyumba mwebasula.