TOP

Fiizi nzikoze mu misubbaawa na bitabo

Added 30th October 2018

Ebbula lya fiizi naligaana okunnemesa okusomerera obwayinginiya bwe nali njagala

 Oteba ng'asaanuusa wakisi gw'akolamu emisubbaawa

Oteba ng'asaanuusa wakisi gw'akolamu emisubbaawa

Nkola bitabo na misubbaawa okufuna fiizi za yunivasite

Joseph Oteba, asoma bwayinginiya mu byempuliziganya ku ttendekero lya Uganda Institute of  Information and Communication Technology e Nakawa ng’atikkirwa mwezi ogujja.

Oteba ng'ayiwa wakisi mu katiba mw'akolera emisubbaawa

 

Yeeweeredde wabula fiizi aziggye mu bitabo by’akola n’aguza abaana b'amasomero n'amasomero ssaako okukola emisubbaawa.

Annyonnyola bwe yatandika bizinensi eno: Bwe natuula siniya ey'omukaaga ku Tororo Rock High School mu 2010, bazadde bange ssente zaabula ezinnyongerayo ne noonya emirimu ne bankozesaako mu kkampuni y’amasimu emu ng’eno gye natereka ne nkung’aanya 800,000/-.

Nagenda ku mukutu gwa yintaneeti ne nsoma ku kye nnyinza okwekolera nga kivaamu ssente nga nkolera waka. Nasoma ku kukola emisubbaawa nga ngitaddemu ne dizayini ez’enjawulo ne nzitembeeya n’okuziguza abaamaduuka g'oku byalo n'abantu ssekinnoomu.

Oteba ng'aggya emisubbaawa mu katiba

 

Abantu baazisiima nga ntwalako mu supamaketi ne mu masinzizo.

Mbadde nsasula 990,000/- buli lusoma era nga sisobola kwesigama ku misubbaawa gyokka okuziweza. Waliwo mukwano gwange eyanjigiriza okutunga ebitabo era ne nfuna ekifo ku luguudo lwa Nasser ne nteekayo muganda wange, naye ne mmuyigiriza okubikola, kale nze bwe mbeera ku ssomero nga ye atunda n'okukola.

 Emisubbaawa gyange bangi bazaagala era nzikolera ku wooda, oli bw'aba azaagala ankubira essimu ne mmukolera omuwendo gw'abeera ayagadde era zino nzikola kiro olwo ku makya ne ng'enda ku Nasser ne nkola ebitabo n'okutunda. 

emisubbaawa Oteba gy'akola

 

Nkola ebika eby’enjawulo omuli: eza bulijjo, ez'amazaalibwa, ez'embaga, ez'omu masinzizo n'ebika ebirala.

Nakifuula tteeka buli wiiki nteeeka ku akawunti yange ssente emirundi ebiri, ku Lwokusatu n’Olwomukaaga, ne bweziba ntono zitya, era olusoma bwe lutuuka ezibaako nziggyayo ne nsasulako ebisale by'essomero.

Emisubbaawa egiggyiddwa mu katiba nga gigenda kusalibwa gipakirwe

 

Bye nkozesa

Emisubbaawa nkozesa; wax, sterlic acid, langi, akatiba, wuzi.

Nsooka ne nsalaasala wax mu butundutundu, ne nteeka mu ssefuliya ne nfumbako ne ngattamu ebijiiko bya sterlic acid bibiri.

Bwe bisaanuuka mbiteeka wansi ne biwola ne bisigalamu kisu, awo ne njiwa mu katiba akasibemu wuzi wakati.

Ebimu ku bitabo Oteba by'akola

 

Bwe biwola nga bimaze okukwata ne nsalamu emisubbaawa ne ngiteeka ku kimeeza ekitukula okwongera okukala.

Okunyiga dizayini ez’enjawulo nkozesa obutiba obw'enjawulo.

Emisubbaawa ngitunda okuva ku 200/- okutuuka ku 10,000/- okusinziira ku dizayini.

More From The Author

Emboozi z’omuwandiisi endala

Emboozi endala

Abantu nga babuuza ku Amuriat.

Amuriat abuuzizza ku balonz...

PATRICK Oboi  Amuriat (POA) eyeesimbyewo ku bwa pulezidenti owa FDC   ayolekera Kabale naye asoose  ku ssundiro...

Ambassador Mugoya (ku ddyo) minisita Okello oryem, Dr. Ahmed Ssengendo ne  BIruma Sebulime.

Dr. Ahmed Ssengendo alonded...

Olukungaana olw'ekibiina ekitwala amawanga g'Abasiraamu mu nsi yonna (OIC) olw'omulundi ogwa 47 lutudde mu kibuga...

Kasasa ng'ali mu ddwaaliro e Masaka.

Kasasa ebbanja lw'eddwaalir...

Omuyimbi Disan Kasasa adduse ku kitanda ayimbire Mukasa awone ebbanja ly'eddwaaliro. Omuyimbi ono era omuzannyi...

Pulezidenti Museveni ng’atuuka e Sironko gye yasisinkanidde abakulembeze ba NRM okuva e Sironko ne Bulambuli ku ssomero lya Masaba SSS.

Museveni asuubizza okuyamba...

PULEZIDENTI Museveni asuubizza okussa mu bajeti y'eggwanga ssente ez'okudduukirira abasuubuzi ne bannannyini bizinensi...

Bobi wine ng'atambula n'abawagizi be e Nakasongola.

Abawagizi ba Bobi Wine aban...

Bobi Wine n'abawagizi batabuse ne poliisi oluvannyuma kw'okubawa ekifo ekyewala okukubiramu kampeyini olubigaanye...