TOP

Anoonya omulimu gezaako okukola amanda mu kasasiro

Added 1st November 2018

Abavubuka bangi bakaaba emirimu kyokka nga kasasiro abunye buli wamu ate nga ajjudde zaabu. Mugezeeko tojja kwejjusa.

 Musenero (ku kkono) ng'apakira amanda agawedde okukola mu kasasiro.

Musenero (ku kkono) ng'apakira amanda agawedde okukola mu kasasiro.

Bya Stella Naigino

Ennaku zino abavubuka abasinga bakaaba emirimu era bangi basaba Gavumenti ebayambe naye era basigala tebayambiddwa.

Abakugu mu bya bizinensi bagamba nti, abavubuka bave mu kuwoza ebya gavumenti okubayamba era beeyambe.

Kasasiro akung'aanyiziddwa okwokebwamu amanda

 

Issa Ssekitto owa Kampala Capital City Traders Association, agamba nti eby’okukola bingi era ng’omuntu kyatalina kubuusa maaso kwe kwokya amanda mu kasasiro.

Ssekitto agamba nti, kino tekyetaagisa kapito ng’omuntu ky’alina okukola, kuteekateeka kifo baliraanwa be kye bayinza okuyiwamu kasasiro ye n’amukolamu amanda.

Engeri amanda gye gakolebwa mu kasasiro

Agnes Musenero, akola amanda mu kasasiro era annyonnyola bwa’akikola:

Musenero ng'alaga eppipa mw'ayokera kasasiro

 

Omuntu ky’alina okukola kwe kubeera n’eppipa mw’ayokera kasasiro ng’ono asooka kumwanika n’akala olwo n’amuyiwa mu ppipa eteriiko katuli konna n’amwokya.

Kasasiro ono ayokebwa okutuusa ng’ofunye ebisiriiza olwo n’ozikiza omuliro obutafuuka vvu.

Bw’oba omalirizza okumwokya, omuggya mu ppipa n’omuyiwa mu kifo w’awolera. Fumba obuugi bwa muwogo obuyiwemu kuba bwe bukola nga gaamu akwasa amanda olwo ng’otandika okukola amanda.

Amanda agawedde okukola bwe gafaanana

 

Wano osobola okukola amanda mu bunene bwonna bw’oyagala era bw’omaliriza ogateeka mu kasana ne gakala nga tonnagatunda.

Amanda gano gafumba bulungi era tegakola mukka ate gaggweerera mpola.

Amanda gano ogatunda okuva ku 1,000/- n’okudda waggulu okusinziira ku bunene n’obungi ate ng’akatale weekali,” Musenero bw’amaliriza.

More From The Author

Emboozi z’omuwandiisi endala

Emboozi endala

Fred Enanga.

Poliisi eyigga omuwala eyag...

POLIISI etandise okunoonya omuwala, Unique Kobusigye gw’erumiriza okusaasaanya amawulire ku kyasse Omusumba w’e...

Isreal

Boogedde bye balabye mu mya...

Micheal Orahi Osinde, omwogezi w’omukago ogutaba ebibiina byobufuzi byonna mu ggwanga ogwassibwawo mu 2010 agamba...

Miriam Wayirimo eyavuganyizza ku kya mmeeya wa Njeru munisipaali ng’alonda ku muzikiti e Namwezi.

Okulonda bwe kwabadde e Lug...

EBYAVUDDE mu kalulu ka Bameeya ne Bakansala ba munisipaali okwetoloola eggwanga biraga nga NUP yasinze kukola bulungi...

Pulezidenti Museveni ng’atongoza ekyuma kye yawa abavubuka mu Kampala okusitula ebyemikono.

Olugendo lwa Gavumenti ya N...

EMYAKA giweze 35 bukya Gavumenti ya NRM ekwata buyinza oluvannyuma lw’olutalo olw’ekiyeekera olwatandika mu mwaka...

Abaana beetaaga okubudaabud...

OKUBUDAABUDA abaana obwongo kati kya nsonga olwa Covid-19 n’okulonda bye tuyiseemu.