Omushaija aitsire nyina ahabw’okukyererwa kurya kyakiro.

N’ebya David Magere 

GULU

Pooriisi omuri Gulu City East Division eriyo necondooza nk’oku omushaija w’emyaka 20 orikugambwa kuba aitsire nyina ahabw’okwanga kumuheereza kyakiro.

David Ongom Mudong, Omugambirizi wa Pooriisi ahabw’ekyanga ekya Aswa River naagira ngu eki kibaireho aha Sande ebiro 29/10/2023 shaaha nka 5:30 z’ekiro  omuri Laroo-Pece Divijoni omu rurembo otwa Gulu.

Mudong naagamba nyakuteekateekwaho nka; Dickson Okane, ori omu kihome kya Pooriisi bwanyima y’okugambwa kuba akoriise empango kutema nyina, Betty Adoch, 48. 

Naagira ngu omushango gw’okwita guhababirwe aha Pooriisi eya Gulu East aha faayiro namba CRB 361/2023.

Mudong naagira ngu Pooriisi ehikire aha mwanya kandi eshangireho empango ekoresiibwe omu kwita kandi okucondooza kuriyo nikugyenda omu maisho.

Omutumbi gw’omugyenzi gutwirwe omu kabafu ah’eirwariro erihango erya Gulu kukyeberwa.

Santo Okech, ceeyamaani w’ekyaro ekyo naagira ngu Okane aizire omuka arikushaba nyina eby’okurya beitu aremirwe kugumisiriza bwanyima y’okukyererwa kubimuheereza..

Ogu na bwanyima  akwatsire empango yagiteera nyina aha maraca n’aha buso.

#WestUpdates